पेट्रोलियम पदार्थको मूल्य फेरि बढ्यो, आजदेखि लागू

काठमाडौं, माघ १९ । नेपाल आयल निगमले फेरि पेट्रोलियम पदार्थको मूल्य बढाएको छ । आजदेखि लागू हुने गरी पेट्रोलियम पदार्थको मूल्यवृद्धि गरेको हो ।

निगम सञ्चालक समितिको बैठकले पेट्रोलमा प्रतिलिटर एक तथा डिजेल र मट्टितेलमा प्रतिलिटर दुई रुपैयाँका दरले मूल्यवृद्धि गर्ने निर्णय गरेको हो । त्यसैगरी, हवाई इन्धनको मूल्य पाँच रुपैयाँ बढाइएको निगमले जनाएको छ ।