कैलालीको धनगढीमा यस वर्ष ‘गौरा महोत्सव २०७४’ हुने

“

विष्णु जोशी, धनगढी । कैलालीको धनगढीमा यस वर्ष गौरा महोत्सव २०७४’ आयोजना हुने भएको छ । भदौ १४ गतेदेखि १६ गतेसम्म गौरा महोत्सवको आयोजना गरिने समितिले जनाइएको छ । राष्ट्रिय लोक तथा दोहरी गीत प्रतिष्ठान र युवा विकास केन्द्रले धनगढीमा पत्रकार सम्मेलन गर्दै महोत्सव गरिने बारे जानकारी दिएको हो ।

महोत्सवको अवसरमा राष्ट्रिय देउडा प्रतियोगिताको आयोजना गरिने महोत्सव आयोजक समितिले जनाएको छ । तीन दिनसम्म रहने देउडा प्रतियोगितामा सुदूर र मध्यपश्चिमका २५ वटा टिम भाग लिने जनाएको छ । महोत्सवमा स्टेज कार्यक्रमहरू पनि आयोजना हुने राष्ट्रिय लोक तथा दोहरी गीत प्रतिष्ठानका अध्यक्ष दलबहादुर बोगटीले जानकारी दिनु भयो ।

महोत्सवको सम्पूर्ण तयारीका लागि विभिन्न समिति गठन हरू समेत गरिएका छन् । आर्थिक सङ्कलन समिति संयोजकमा युवराज जोशी रहेका छन् भने सहसंयोजक दलबहादुर बोगटी रहेका छन् । प्रचारप्रसार समितिको संयोजकमा नवराज पनेरू, तीर्थराज भट्ट, सिवी चन्द र सुवास भण्डारी सदस्य रहेको जनाएको छ ।

“