कैलाली क्षेत्र नं- २ को मतगणना शुरु

मङ्सिर २३, धनगढी । कैलाली क्षेत्र नं। २ को मतगणना शुरु भएको छ । पहाडी भेगबाट मतपेटिका ल्याउन ढिलाई भएकाले मतगणना शुरु गर्न ढिलाई भएको मुख्य निर्वाचन अधिकृतको कार्यालयले जनाएको छ ।

क्षेत्र नं। २ को मतगणना कैलालीको क्षेत्रिय वन तालिम केन्द्रमा भइरहेको छ । कैलाली क्षेत्र नं। २ बाट प्रतिनिधिसभा सदस्यका लागि वामगठबन्धनको तर्फबाट एमालेका झपट बहादुर रावल, नेपाली काँग्रेसबाट मोहन सिं राठौर, राष्ट्रिय जनता पार्टी नेपालबाट रामप्रसाद चौधरी लगायत नेताहरु प्रतिस्पर्धामा हुनुहुन्छ ।