बाढीले बगाएका व्यक्तिको उद्धार 

सप्तरी । को. १ प ६८७२ नम्बरको मोटरसाइकलमा कुनौली बजारबाट राजबिराजतर्फ आउँदै गरेका राजबिराज नगरपालिका–८ बस्ने २५ वर्षीय रामचन्द्र दासलाई तिलाठी कैलाडी गाउँपालिका–१ स्थित खाडो खोलामा शनिबार आएको बाढीले मोटरसाइकल सहित बगाएकोमा प्रहरी चौकी तिलाठीबाट खटेको प्रहरी टोलीले दासको सकुसल उद्धार गरेको छ ।

उक्त मोटरसाइकल फेला नपरेकोले खोजी कार्य भइरहेको छ । साथै उक्त बाढीले सोही ठाउँस्थित ५० मिटर बाँध समेत भत्काएर क्षति पुर्‍याएको छ ।