उनानब्बे हजार सहित ५ जना जुवाडे पक्राउ

कात्तिक ५, हेटाैडा । हेटाैडा ४ बाट प्रहरीले तास खेलिरहेको अवस्थामा ५ जनालाई पक्राउ गरेको छ । शनिवार दिउसो वडा प्रहरी कार्यालय मकवानपुरबाट खटिएको प्रहरी टोलीले हेटौडा ४ स्थित DS अटो वर्कसपमा पैसाको हारजित हुने गरी बाजी राखी जुवा (तास) खेली रहेको अवस्थामा उनानब्बे हजार पाँच सय चालिस रुपैयाँ सहित उनीहरूलाई पक्राउ गरेकाे हो ।

पक्राउ पर्नेहरूमा हेटौडा १० बस्ने वर्ष ४२ को दिपेश डंगोल, वर्ष ४१ को दिनेश डंगोल, हेटौडा ४ बस्ने वर्ष ३८ को रोशन अधिकारी, वर्ष ३१ को खेमलाल लामिछाने र वर्ष ३४ को प्रकाश मानन्धर रहेको जिल्ला प्रहरी कार्यालय मकवानपुरले जनाएको छ ।

पैसासँगै तास २६३ पत्ती, निलो बुट्टे तन्ना १ थान र म्याटेस १ थान पनि बरामद गरी थप आवश्यक अनुसन्धान गरिरहेको प्रहरीले जनाएको छ ।