मकवानपुर प्रहरीद्वारा गाँजाको ब्याड सहितको गाँजा खेति नष्ट

“

भदाै २०, हेटाैडा । मकवानपुर प्रहरीले मकवानपुरको विकट गाउँपालिकामा लगाइएका गाँजाको ब्याड सहितको गाँजा खेती नष्ट गरेको छ ।

पाँच दर्जन प्रहरीको सक्रियतामा विकट राक्सिीराङ गाउँपालिकाका नौ वटा वडामा लगाइएको गाँजाको ब्याडनै नष्ट गरिएको हो । अवैध रूपमा गाँजाको ब्याड लगाइएको छ भन्ने सूचनाको आधारमा जिल्ला प्रहरी कार्यालय टोली सो स्थानमा पुगेको थियो । सूचना पाएपछि पुगेको ६५ जनाको टोलीले नौ दिन लगाएर गाँजाको ब्याड नष्ट गरेको जिल्ला प्रहरी कार्यालय मकवापनुरका प्रहरी उपरिक्षक बिकाशराज खनालले बताउनुभयो ।

प्रहरीले राक्सीराङ गाँउपालिकाको १ देखि ९  वडा, मनहरी गाउँपालिकाको केही भाग कैलाश गाउँपालिकाको केही स्थानमा अवैध रूपमा लगाइएको गाँजाको ब्याड र गाँजा खेती नष्ट गरेको हो । प्रहरीले ४ सय ४३ कठ्ठा गाँजाको ब्याड र २ सय ९२ कठ्ठामा लगाइएको गाँजा फडानी गरेर नष्ट गरेको हो ।

“