पुलिस क्लबले हात पार्याे १६औँ आहा रारा गोल्ड कपको उपाधि

पोखरा, माघ २० । १६औँ आहा रारा गोल्ड कपको उपाधि नेपाल पुलिस क्लबले जितेको छ ।

पोखरा रंगशालमा भएको फाइनल खेलमा नेपाल पुलिस क्लबले थ्रीस्टारलाई १–० गोलले पराजित गर्दै उपाधि जितेको हो । निर्धारित ९० मिनेटको खेल बराबरीमा सकिएपछि अतिरिक्त समयको १२औं मिनेटमा जर्सी न. १८ का पुलिसका राम वाजीले गोल गरेका थिए । खेलको १ सय २ औँ मिनेटमा रवीको पासमा निर कुमार राईले ब्याक फ्लिप गर्दै मिलाएको पासमा रामले गोल गरेका थिए ।

पहिलो हाफको सुरुआति १० मिनेट खेलमा थ्री स्टार हावी देखिए पनि पुलिसका युवा खेलाडीले राम्रो प्रदर्शन गरका थिए ।
यसअघि नेपाल पुलिस क्लब धरान फुटबल क्लबलाई १–० को अन्तरले हराउँदै फाइनलमा प्रवेश गरेको थियो ।

जित संगै बिजेता पुलिस क्लबले नगद रु सात लाख, प्रमाणपत्र र ट्रफी प्राप्त गरेको छ । उपबिजेता थ्री स्टार क्लबले नगद रु ३ लाख पचास हजार, प्रमाणपत्र र ट्रफी प्राप्त गरेको छ ।