मेसी र बार्सिलोना बीच नयाँ सम्झौतामा हस्ताक्षर

“एजेन्सी । अर्जेन्टिनी स्ट्राइकर लियोनल मेसीको स्पेन बसाइ लम्बिने भएको छ । बार्सिलोना क्लबसँग नयाँ सम्झौतामा हस्ताक्षर गरेपछि मेसी अब ४ वर्ष स्पेनमै रहने पक्का भएको हो ।

चौथो पटक गोल्डेन बुट पाएको भोलिपल्टै मेसीले क्लबसँगको सम्झौता थप्ने निर्णय गरेका हुन् । मेसी र बार्सिलोनाबीचको सम्झौता आगामी वर्ष सकिँदै थियो । नयाँ सम्झौतासँगै ३० वर्षीय स्ट्राइकर सन् २०२१ सम्म स्पेनमै रहनेछन् ।

यसअघि क्लबले सम्झौता थप्न पटकपटक गरेको प्रस्ताव मेसीले अस्वीकार गर्दै आएका थिए । १३ वर्षको उमेरमा बार्सिलोनाको घरेलु एकेडेमी ला मासियमा आबद्व भएका मेसीले क्लबका लागि ८ स्पेनिस लिग र चार पटक च्याम्पियन्स लिग जितेका छन् । क्लबका लागि ६ सय २ खेलमा उनले ५ सय २३ गोल गरेका छन् ।”