म्यान्चेस्टर सिटीको लगातार १३ औं जित

“

मंसिर १८, काठमाडौं । वेष्ट ह्याम युनाईटेडलाई २–१ ले हराउँदै म्यान्चेस्टर सिटीले इङ्गलिश प्रिमियर लिग फुटबलमा लगातार १३ औं जित दर्ता गराएको छ । जितसँगै अंक तालिकाको शीर्ष स्थानमा रहेको म्यान सिटीले दोस्रो स्थानको म्यान्चेस्टर युनाईटेडसँग ८ अंकको अग्रता कायम राखेको छ ।

१५ खेलमा म्यान सिटीको ४३ अंक छ भने म्यान्चेस्टर युनाईटेडले समान खेलबाट ३५ अंक जोडेको छ । ३२ अंक जोडेको चेल्सी तेस्रो स्थानमा छ ।

इङ्गलिश प्रिमियर लिग फुटबलअन्तर्गत भएको अर्को खेलमा बर्नमाउथले साउथ ह्याम्पटनसँग १–१ गोलको बराबरी खेलेको छ ।

यस्तै स्पेनिस ला लिगामा १० खेलाडीमा सीमित गेटाफेले भ्यालेन्सियालाई पराजित गरेको छ । गएराती भएको खेलमा गेटाफले भ्यालेन्सियामाथि १–० गोलको जित निकालेको हो । ६६ मिनेटमा मार्केल बेर्गानाले गोल गरेर गेटाफेलाई जित दिलाएका हुन् । लिगको दोस्रो स्थानमा रहेको भ्यालेन्सिया पराजित भएपछि शीर्ष स्थानको बार्सिलोनालाई फाइदा पुगेको छ।

शनिबार बराबरीमा रोकिएको बार्सिलोनाको १४ खेलबाट ३६ अंक छ भने दोस्रो स्थानको भ्यालेन्सियाको ३१ अंक छ । ३० अंक सहित एट्लेटिको म्याड्रिड तेस्रो र २८ अंक जोडेको रियल म्याड्रिड चौथो स्थानमा छ ।

“