कस्मिरमा पृथकतावादी समूह ‘जैस-ए मोहम्मद’का वरिष्ठ कमान्डर मारिए
![](https://www.makalukhabar.com/wp-content/uploads/2023/10/Final-icon-Logo-2023.png)
२०७४ जेठ १५ गते
![](https://www.makalukhabar.com/wp-content/uploads/2021/01/nophoto.png)
“
काठमाडौं, पुस १२ । भारत नियन्त्रित जम्मु कस्मिरमा पृथकतावादी समूह जैस–ए मोहम्मदका एक वरिष्ठ कमान्डर मारिएका छन् । भारतीय अर्धसैन्य बलसँग भएको गोली हानाहानमा नूर मोहमद त्यान्त्रेको मृत्यु भएको हो ।
श्रीनगरबाट करिब २८ किलोमिटर दक्षिणमा रहेको पुल्वाना जिल्लाको समबोरा गाउँमा गोली हानाहान भएको बताइएको छ । विशेष गुप्तचरको सूचनाअनुसार सो क्षेत्रमा अर्धसैन्य बलले कारबाही शुरु गरेको थियो ।
पृथकतावादी समूहको कमान्डर त्यान्त्रेले श्रीनगर जम्मुको राजमार्गका कतिपय क्षेत्रमा आक्रमणको योजना बनाएको सूचना प्रहरीले पत्ता लगाएको थियो ।
कारबाहीका क्रममा एक जना प्रहरीसमेत घाइते भएका छन् ।
त्यान्त्रे मारिएको समाचार सार्वजनिक भएपछि कस्मिरमा प्रदर्शन भएको छ । त्यस क्रममा प्रहरी र प्रदर्शनकारीबीच झडपसमेत भएको छ ।(एजेन्सी)
“
![](https://www.makalukhabar.com/wp-content/uploads/2023/10/Final-icon-Logo-2023.png)
२०७४ जेठ १५ गते
प्रतिक्रिया
सम्बन्धित