आफुलार्इ मन पर्ने केटा सिड्नीमा भेटेपछि
मकालु खबर
सिड्नी । गायिका प्रसन्ना पाण्डे यतिबेला निकै दंग छिन् । सपनाको देश भनेर चिनिने अष्ट्रेलियाको बिभिन्न शहरहरू घुमेर नेपाल फर्किएपछि उनले भनिन्-‘देश जस्तै सुन्दर मन भएका नेपालीहरूको साथ र सहयोगले मेरो यात्रा झनै सफल भयो ।’ सिड्नीको ओपेरा हाउस घुम्ने उनको ठूलो सपना थियो । जीवनमा त्यो सपना पूरा हुनुलाई उनले आफूलाई लक्कीको रूपमा लिएकी छिन । ‘सिड्नीको घुमाइले जीवनमा नयाँ जोश र जांगर थप्यो,’ उनले भनिन् ।
अष्ट्रेलिया घुमाईको क्रममा उनले आफ्नो आवाज रहेको गीतको भिडियो पनि तयार पारिन । अब यो गीत चाँडै रिलिज हुँने उनले बताइन । उनले पहिलो एल्बमका रुपमा ‘तिमि र म’ बजारमा ल्याएकी थिइन । यो एल्बमले आफूलाई बजारमा चिनाएको उनको भनाइ छ । हालसम्म डेढ दर्जन गीत रेकर्ड गरिसकेकी प्रसन्ना प्रेमको बारेमा भने स्पष्ट छिन ।
‘अहिलेसम्म कसैले पत्याएन । खोई सिड्नीमा पनि पाईन’ यो जबाफसंगै उनले मज्जाले हाँस्दै थपिन, ‘बिस्तारै सांगीतिक करियर बन्दै छ, अहिले नै मायाको झमेलामा पर्नु हुन्न ।’ आफ्ना गीतहरूको आधा दर्जन भिडियो बनाई सकेकी प्रसन्ना अब अरू गीतहरूको पनि भिडियो बनाउने तयारीमा छिन् ।
मकालु खबर
