अमेरिकी डलरको भाउ १ सय १५ नाघ्यो, पेट्रोलियम पदार्थमा असर

“काठमाडौँ, भदौ २१ । अमेरिकी डलरको भाउ १ सय १५ रुपैयाँ नाघेको छ । केहि समयदेखि निरन्तर उकालो लागेको डलरको मूल्य बिहिबार १ सय १५ रुपैयाँ ११ पैसा पुगेको छ । यो अहिलेसम्म कै महंगो हो ।

नेपाल राष्ट्र बैंकले विहीबारका लागि एक अमेरिकी डलरको खरिद दर १ सय १४ रुपैयाँ ५१ पैसा तथा बिक्रिदर १ सय १५ रुपैयाँ ११ पैसा तोकेको छ ।

भारतसँगको स्थिर विनिमय दरका कारण भारतीय मुद्रा कमजोर हुँदा त्यसको प्रभाव नेपाली मुद्रामा पनि पर्ने गरेको छ ।

यसको असर नेपालमा पनि देखिन थालेको छ । खासगरी पेट्रोलियम पदार्थको मुल्य बढ्नुको कारण पनि यहि हो । बिहिबार बाट पेट्रोलियम पदार्थको मूल्य बढेको छ । यस्तै अरु सामानको पनि अब मूल्य बढ्दै जाने अनुमान गरिएको छ ।