मिस टिन कलेज र कलेज हेन्डसमका प्रतिष्पर्धीले देखाए प्रतिभा

“

भाद्र २३, काठमाडौ । सिजन मिडियाद्धारा आयोजना गरेको छैटौं मिस टिन कलेज र दशौ वर्षको उपलक्ष्यमा पहिलो पटक आयोजना गरिएको कलेज हेन्डसम कार्यक्रमको आन्तरीक प्रतिभा आज एक कार्यक्रम विच सम्पन्न भएको छ ।

उक्त कार्यक्रममा २० जना मिस टिन कलेजका प्रतियोगी र १४ जना कलेज हेन्डसममा सहभागी प्रतियोगीहरुले आ–आफ्नो प्रतिभाहरु विभिन्न नेपाली गीतहरुमा नृत्य मार्फत प्रस्तुत गरेका थिए भने केही प्रतियोगीहरुले नेपाली तथा अंग्रेजी गित गाएर प्रतिभा देखाएका थिए । कलेज हेन्डसमका एक प्रतियोगीले नेपाली संस्कृति झल्कने लाखे नाच देखाएर मनोरन्जन प्रदान गराएका थिए । साथै केही प्रतियोगीहरुले वाध्यवादन कला प्रस्तुत गरेका थिए ।

उक्त कार्यक्रममा वरिष्ठ नृत्य निर्देशक राजेन्द्र राई, सिभिल सेभीङ फाइनान्सका सिनियर एकाउन्टेन तथा समाजसेवी एलीना तुलाधर, जुम्वा प्रशिक्षक सोनाम केसी, टिभिएस कंपनीका इभेन्ट भ्यानेजर सुदीक्षा अधिकारी र सिजन मिडियाका इभेन्ट डाइरेक्टर रेजीना तुलाधर रहेका थिए ।

कार्यक्रमको फाइनल यहि भाद्र २८ गते राष्ट्रिय नाचघर जमलमा हुनेछ । उक्त प्रतियोगिताका विजेताहरुले उच्च शिक्षाको लागि छात्रवृत्ति साथै दुवै प्रतियोगीताका विजेताले थाइल्याड भ्रमणको टिकट, मोवाइलफोन, अस्टेलिया अध्ययनको लागि छात्रवृत्ति, निःशुल्क टोफल आएल्स, म्यूजिक भिडियो गर्न पाउने बताइएको छ ।

थप फाेटाेहरू

        “