मेयरकप क्रिकेटः थालिगाडा सेमिफाइनलमा

बैतडी, माघ ८ । दशरथचन्द नगरपालिका–६ थालिगाडा बैतडीमा जारी प्रथम मेयरकप क्रिकेट प्रतियोगिताको सेमिफाइनल प्रवेश गरेको छ । समूह चरणको अन्तिम खेलमा आज दशरथचन्द नगरपालिका–३ दुर्गाभवानीलाई पाँच विकेटले हराउँदै थालिगाडा सेमिफाइनल प्रवेश गरेको हो ।

बुड्डाबाजे क्रिकेट मैदान, रातामाटामा टस जितेर ब्याटिङ गरेको दुर्गाभवानी ८८ रनमा समेटियो । दशरथचन्दले १३.५ ओभरमा ८९ रनको लक्ष्य पूरा गर्याे ।

भोली सेमिफाइनलका खेल हुने छन् । पहिलो सेमिफाइनल खेल देहिमाण्डौँ र थालिगाडाबीच तथा दोस्रो सेमिफाइनल खलंगा र ग्वाल्लेकबीच हुनेछ ।

यसैबीच, मोरङको पथरी शनिश्चरेमा यही माघ २७ गतेबाट तेस्रो नगर वडाकप फुटवल प्रतियोगिता सञ्चालन हुने भएको छ ।
प्रतियोगिताको आयोजक बुद्ध यूथ क्लब पथरी शनिश्चरे २ ले आज पत्रकार सम्मेलन गरी माघ २७ देखि फागुन ७ गतेसम्म १० वडाका १० टिमबीच खेल हुने जनाएको छ । प्रतियोगिता विजेताले ४० हजार र उपविजेताले २० हजार नगद तथा कप प्राप्त गर्नेछन ।