दुर्घटनामा एकको मृत्यु

कात्तिक, ७  सुनसरी । सुनसरी, धरान–८ तिनकुने विश्वकर्मा मन्दिर नजिकैबसको ठक्करबाट बुधबार बिहान एक स्कुटर चालकको ज्यान गएको छ । 

नम्बर प्लेट नभएको स्कुटर बिश्वकर्मा मन्दिर तर्फ प्रवेश गर्ने क्रममा ना ४ ख ८५६४ नम्बरको यात्रुबाहक बसले ठक्कर दिदा सुनसरीको इटहरी–६ का १८ वर्षीय प्रताप चौधरीको मृत्यु भएको हो । 

बसको ठक्करपछि गम्भीर बनेका उनलाई बीपी कोइराला स्वास्थ्य विज्ञान प्रतिष्ठानको आकस्मिक कक्षमा उपचारको क्रममा निधन भएको जिल्ला ट्राफिक प्रहरी कार्यालय धरानले जनाएको छ । 

null

इटहरीबाट आउदै गरेको यात्रुबाहक बसले सोही दिशाबाट आउदै गरेको नम्बर नखुलेको स्कुटरलाई ठक्कर दिएको थियो । 

ठक्कर दिने बसका चालक इटहरी–७ का ३५ वर्षीय खगेन्द्र दर्जी रहेका छन । बसलाई इलाका प्रहरी कार्यालय धरानले नियन्त्रणमा लिएको छ । बसका यात्रु भने सकुशल रहेको ईलाका प्रहरी कार्यलय धरानले जनाएको छ ।