स्कटल्याण्डमाथि रोनाल्डोबिना पोर्चुगलको सहज जित

पोर्चुगलले स्कटल्याण्डमाथि सहज जित निकालेको छ। अन्तर्राष्ट्रिय मैत्रीपूर्ण खेल अन्तर्गत आइतबार राति पोर्चुगलले स्कटल्याण्डलाई ३ – १ ले हराउँदै सहज जित निकालेको हो । 

क्रिस्टियानो रोनाल्डोबिना मैदान उत्रिएको पोर्चुगलले स्कटल्याण्डलाई उसैको मैदानमा हराएको हो। रोनाल्डोबिनाको पोर्चुगललाई जिताउन हेल्डर कोष्टा, इडर र ब्रुमाले एक-एक गोल गरे। स्कटल्याण्डका स्टेभेन नैस्मिथले एक गोल फर्काएका थिए। 

पहिलो हाफको ४४ औं मिनेटमा कोष्टाको गोलबाट पोर्चुगलले सुरुवाती अग्रता लिएको थियो। पहिलो हाफमा १-० ले अगाडि रहेको पोर्चुगलले खेलको ७३ औं मिनेटमा इडरले गोल गर्दा अग्रता दोब्बर बनायो। 

null

खेलको ८४ औं मिनेटमा ब्रुमाले गोल गर्दै पोर्चुगललाई ३-० ले अघि बढाए। त्यसपछि खेलको अन्तिम समयमा घरेलु टोलीका लागि स्टेभेनले एक गोल फर्काए पनि पोर्चुगलसँगको हार टार्न सकेनन्। 

यो जितसँगै पोर्चुगल समुह ‘ए’ मा अपराजित रहँदै शीर्ष स्थानमा रहेको छ।