मोहम्मदको शरिरमा २२ लाख ५० हजार ! यसरी परे प्रहरीको फन्दामा

कात्तिक १६, काठमाडौं । नागढुंगा प्रहरीले २२ लाख ५० नेपाली नगद रुपैयाँसहित एक नेपाली नागरिक मोहम्मद हसीब सिद्दिकीलाई शुक्रबार पक्राउ गरेको छ । 

नेपालगञ्जबाट काठमाडौं आउँदै गरेको ना. ५ ख ६४७७ नं.को यात्रुबाहक बसमा लुकाई छिपाई ल्याएको अवस्थामा प्रहरी निरिक्षक केशव राज भट्टको नेतृत्वको टोलीले चेक जाँच गर्दा फेला पारेको हो । 

null

प्रहरी विषेश सुचनाको आधारमा बाँके जिल्ला नेपालगञ्ज उपमहानगरपालीका ४ का ३६ वर्षीय मोहम्मद हसीब सिद्दिकीको कपडाको झोला तथा शरिरमा २२ लाख ५० हजार रुपैयाँ बाँधेर ल्याएको अवस्थामा फेला परेको महानगरीय प्रहरी प्रभागका प्रहरी नायब उपरीक्षक कुमार विक्रम थापाले बताए । 

शरिरमा लुकाई छिपाई ल्याएको स्रोत खुलाउन नसकेको उक्त रकमसहित नियन्त्रणमा लिई आवश्यक अनुसन्धान अघि बढाइएको वृत्तका प्रहरी नायव उपरीक्षक थापाले बताए । 

प्रकाउ परेको रकम सहित हसीव सिद्दिकीलाई थप अनुसन्धानको लागि राजस्व अनुसन्धान विभाग पठाईएको प्रहरीले जनाएको छ ।