कोरम नपुगेपछि विकास समितिको बैठक स्थगित

मंसिर ४, काठमाडौँ । संघीय संसद प्रतिनिधिसभा अन्तरगतको विकास तथा प्रविधि समितिको बैठक स्थगित भएको छ । 

मंगगलबार बिहान सिंहदरबारमा ११ बजेका लागि बोलाइएको बैठक कोरम नपुगेपछि स्थगित गरिएको हो । 

आवश्यक संख्यामा समितिका सदस्यहरु उपस्थित नभएपछि स्थगित गरिएको समितीकी सभापति कल्याणी खड्काले जानकारी दिइन् । 

null

आजको बैठकमा राष्ट्रिय पुनःनिर्माण प्राधिकरणको कामको प्रगति विवरणबारे छलफल गर्ने कार्यसूचि तय गरिएको थियाे तर सदस्यहरुको आवश्यक संख्या नपुगेपछि समितिको बैठक स्थगित गरिएको हो । 

५१ प्रतिशत सदस्य उपस्थिति नभए समितिको बैठक बस्न नसक्ने समितिको कार्यविधिमा उल्लेख गरिएको छ। 

सभापति खड्काले सांसदहरु निर्वाचन क्षेत्रको बजेट विनियोजन गर्न जिल्लामा जानु परेको र भर्खरै दशैं, तिहार जस्ता चाडपर्व पनि सकिएकाले सांसदहरुको उपस्थितिमा कमी हुन आएको पनि स्पष्ट पारिन्। 

समितिको अर्को बैठक सूचना जारी गरेर बोलाइने जानकारी दिइएको छ ।