धादिङमा ग्यास बुलेट दुर्घटना, आमाछोरीको मृत्यु

कात्तिक २५, काठमाडौँ । धादिङको बेनिघाटमा ग्यास बुलेट दुर्घटना हुँदा २ जनाको मृत्यु भएको छ भने दुई जना घाइते भएका छन् । 

बाराबाट काठमाडौँ आउँदै गरेको ग्यास बुलेट धादिङको रोराङ गाउँपालिका ५ स्थित बिशालटारमा दुर्घटना भइ आगलागी हुँदा बाटोमा हिँडिरहेका सोही वडाकी वडा सदस्य गीता नेपाली र उनकी छोरी सुनीता नेपालीको मृत्यु भएको हो । 

दुर्घटनाग्रस्त सो बुलेट सडकबाट करीब २०० मिटर तल खसेको जिल्ला प्रहरी कार्यालय धादिङले जनाएको छ । 

null

प्रहरीका अनुसार दुर्घटनापछि ग्यास लिकेज भएको छ भने सोको नियन्त्रण प्रयास भइरहेको छ । 

दुर्घटनापछि अहिले राजमार्गसमेत अवरुद्ध बन्न पुगेको छ ।