सहकारीको ६६ लाख रकम हिनामिनाको आरोपमा व्यवस्थापक पक्राउ

मंसिर ११, दाङ । दाङको राप्ती गाउँपालिका–५, सिसहनियाँस्थित प्रभात बचत तथा ऋण सहकारी संस्था लिमिटेडकी संस्थापकलाई प्रहरीले नियन्त्रणमा लिएको छ । 

प्रहरीले ६६ लाख रकम हिनामिना गरेको आरोपमा प्रभात सहकारीकी संस्थापक तथा व्यवस्थापक रमिता चौधरीलाई नियन्त्रणमा लिएको हो । उनलाई इलाका प्रहरी कार्यालय भालुवाङको टोलीले भालुवाङ बजारबाट दाङबाट पक्राउ गरिएको प्रहरीले जनाएको छ । 

पक्राउ परेकी चौधरीलाई अहिले इलाका प्रहरी कार्यालयको हिरासतमा राखिएको छ । उनका श्रीमान् सन्तकुमार चौधरी फरार छन् । 

null

यसअघि उक्त सहकारीकै रकम हिनामिना गरेको अभियोगमा पत्रकार सन्तोषकुमार गुप्ता कारागार चलान भइसकेका छन् ।