यसरी सक्रिय हुँदैछ मोटरसाइकल चोर गिरोह

कात्तिक २६, दुहवी । सुनसरीको दुहवी र गढीमा मोटरसाइकल चोर गिरोह सक्रिय हुँदै गएको पाइएको छ । 

गत शुक्रबार राती दुहवी ३ स्थित घर भएका मस्तकिम मन्सुरीको आफ्नै घर अगाडी रोकीराखेको को ३१ प ९२५९ नम्बरको कालो रङ्गको पल्सर मोटर साइकल चोरी भएको थियो । 

यसैगरि आइतबार राती गढी २ घर भएका अक्षय चौधरीको को २४ प २०४८ सेतो–रातो रंगको आर वन फाइव मोटर साइकल चोरी भएको छ । त्यस्तै २ महिनाअघि दुहवी नगरपालिका अगाडीबाट समेत मोटरसाइकल चोरी भएको थियो । 

null

भारतीय बजारबाट विभिन्न नाका हुँदै चोरीका मोटरसाइकल बिक्री गर्ने गिरोह नै सक्रिय भएको स्रोतले बताएको छ । 

त्यसैगरी काठमाडौं, पोखरा र पश्चिमका विभिन्न स्थानबाट चोरी गरेर ल्याएका मोटरसाइकल करिब दुई वर्षयता फेला पार्न थालिएको प्रहरीले बताउँदै आएको छ । 

गिरोहले सुनसरी जिल्लाका विभिन्न स्थानबाट पटक–पटक मोटरसाइकल चोरि गरिरहेको स्थानीयवासीहरुले बताएका छन् ।