ए डिभिजन लिगः हिमालयन शेर्पाले मछिन्द्रलाई हरायो
मकालु खबर
२०७५ मंसिर १२ गते
मंसिर १२, काठमाडौँ । सहिद स्मारक ए डिभिजन लिग फुटबल अन्तर्गत बुधबार भएको पहिलो खेलमा हिमालयन शेर्पा क्लबले जित हात पारेको छ ।
सातदोबाटोस्थित एन्फा कम्प्लेक्समा भएको खेलमा हिमालयन शेर्पा क्लबले मछिन्द्र क्लबलाई २–० गोल अन्तरले पराजित गर्दै तेस्रो जित हात पारेको हो । जितसँगै हिमालयन शेर्पा लिगको तेस्रो स्थानमा उक्लिएको छ । यो सिजनमा मछिन्द्रको यो दोस्रो हार हो।
null
हिमालयन शेर्पा क्लबको जितमा कर्ण लिम्बु र आशिष गुरुङले एक एक गोल गरे ।
खेलको २१ औं मिनेटमा आशिष गुरुङले गोल गर्दै हिमालयन शेर्पालाई सुरुवाती अग्रता दिलाए । खेलको ९० औँ मिनेटमा कर्णले गोल गर्दै हिमालयन शेर्पालाई २–० को जित दिलाए ।
खेलमा हिमालयन शेर्पाका उलरीच सीवी म्यान अफ दि म्याच चुनिए ।
हिमालयन शेर्पाले ४ खेलबाट १० अंक जोडेको छ । २ अंक जोडेको मछिन्द्र ११ औं स्थानमा छ ।
मकालु खबर
२०७५ मंसिर १२ गते
प्रतिक्रिया
सम्बन्धित