बलिउड स्टारका पाँच सन्तानले नयाँ बर्ष सुरु भए सँगै बलिउडमा कदम राख्दै
मकालु खबर
पुस १६ । सन् २०१८ मा थुप्रै स्टार किड्सले बलिउडमा पाइला टेके । केही हिट भए त कोही अझै पनि कोसिस गरिरहेका छन् । यसवर्ष सलमानका भिनाजु आयुषदेखि श्रीदेवीकी छोरी जान्ह्वी कपुर ठूलो पर्दामा देखिए । सन् २०१९ मा कुन स्टारकिड्सले बलिउडमा डेब्यू गर्दैछन् त्यसबारे जानकारी लिऔं ।
१. खुसी कपुरः
null
बलिउडकी दिवंगत नायिका श्रीदेवीकी छोरी जान्ह्वी कपुरले यस वर्ष फिल्म धडकमार्फत बलिउडमा कदम राखिन् । दर्शकले फिल्मलाई रुचाए पनि । यसैबीच अब श्रीदेवीकी कान्छी छोरी खुसी कपुरले पनि बलिउडमा चाँडै नै कदम राख्ने आशा गरिएको छ । यसबारे फिल्म निर्माता करण जाहरले खुलासा गरेका हुन् । मिडियामा आइरहेको खबरलाई विश्वास गर्ने हो भने खुसी चाँडै नै नायक जावेद जाफरीका छोरा मिजानसँग बलिउडमा डेब्यू गर्न सक्छिन् ।
२. अनन्या पाण्डेः
नायक चंकी पाण्डेकी छोरी अनन्या पाण्डे नायक टाइगर श्रोफसँग ‘स्टुडेन्ट अफ द इयर टु’ मा देखिनेछिन् । फिल्मको सुटिङ सुरु भइसकेको छ ।
३. मिजान जाफरीः
जावेद जाफरीका छोरा मिजाज जाफरी पनि सन् २०१९ मा बलिउडमा डेब्यू गर्दैछन् । करणले नेहा धुपियाको रेडियो शो ‘नो फिल्टरमा’ उनको र खुसीको डेब्यूबारे जानकारी दिएका थिए । उनले भनेका थिए, ‘मिजानले शानदार काम गर्नेछन् । उनी एक सम्भावना भएका बिग स्टार हुन् र खतरा डान्सर पनि । जहाँसम्म खुसीको कुरा छ उनी निकै सुन्दर र प्यारी छिन् ।’
४. प्रनुतन बहलः
सलमान खान आफ्नो भिनाजुलाई लञ्च गरेपछि नुतनकी नातिनीलाई लञ्च गर्दैछन् । सलमानले यसबारे सोसल मिडियामा जानकारी दिएका हुन् । प्रनुतन काजोलकी भतिजी हुन् । उनी व्यवसायिक रुपमा वकिल हुन् तर फिल्ममा काम गर्न रुचाउँछिन् । सलमानले यसबारे जानकारी दिएपछि प्रनुतन एकाएक चर्चित बनेकी छिन् ।
५. आलिया फर्निचरवालाः
सन् १९९२ मा फिल्म जो जिता वही सिकन्दरमा पूजा बेदीले डेब्यू गरेकी थिइन् । फिल्म त सुपरहिट रह्यो तर उनको करियर उचाईमा पुग्न सकेन । अब पूजा बेदीकी छोरी आलिया फर्निचरवाला पनि फिल्ममा डेब्यू गर्दैछिन् । आलिया नायक सैफ अली खानसँग फिल्म ‘जवानी जानेमन’ मा देखिनेछिन् । फिल्मको कहानी ४० वर्षका एक व्यक्ति र उनकी छोरीको सम्बन्धमा आधारित छ । आलियाले सैफकी छोरीको भूमिका निभाइरहेकी छिन् । फिल्मको प्रि–प्रोडक्सनको काम चाँडै नै सुरु हुने बताइएको छ । पूजा बेदीले आमिर खानसँग फिल्म ‘जो जिता वही सिकन्दर’ मा बोल्ड सिन दिएकी थिइन् । उनीहरुबीचको चुम्बनले निकै खैलाबैला पनि मच्चाएको थियो । एजेन्सी
मकालु खबर
