बक्स अफिसमा २.० को धमाका ! सञ्जूलाई उछिन्दै कति कमायो ?

मंसिर २५, काठमाडौँ । अक्षय कुमार र रजनीकान्तको फिल्म् २.० ले बक्स अफिसमा तहल्का पिट्दै एक पछि अर्को रेकर्ड बनाइरहेको छ । 

२.० ले घरेलु बक्स अफिसमा मात्रै १२ दिनमा ३०० करोड पार गरिसकेको छ । र २०१८ मा सबैभन्दा ठूलो चलचित्र बनिसकेको छ । 

null

यता वर्ल्डवाइज कलेक्सनको दौडमा पनि २.० ले अन्य बलिउड चलचित्रलाई मात दिएको छ । सबलाई पछि पार्दै नयाँ रेकर्ड बनाएको छ । 

ट्रेड रिपोर्टस् अनुसार, घरेलु बक्स अफिसमा २.० को हिन्दी, तामिल र तेलुगु संस्करणको अहिलेसम्मको नेट कलेक्सन भारु ३६५ करोड भइसकेको छ । योसँगै २.० भारतकै नम्बर एक चलचित्र बनेको छ । 

यसअघि रणवीर कपूरको फिल्म् सञ्जू नम्बर एक बनेको थियो । जसले भारु ३४१ करोडको शानदार कलेक्सन गरेको थियो । त्यस्तै तेस्रो नम्बरमा रणवीर सिंहको पद्मावत छ, जसले ३००.२६ करोड कमाएको थियो । 

त्यस्तै वर्ल्डवाइज कलेक्सनको कुरा गर्ने हो भने २.० को ग्रस कलेक्सन ६२० करोड भइसकेको छ । पद्मावतले भारु ५६० करोडको ग्रस कलेक्सन गरेको थियो ।