मेरिल्याण्ड कलेजमा क्रिसमसको कार्यक्रम सम्पन्न

पुस १२, बिराटनगर । बिराटनगरको मेरिल्याण्ड कलेजमा क्रिसमस इभेन्ट सम्पन्न भएको छ । उक्त कलेजमा हरेक बर्ष क्रिसमस इभेन्ट , दशैँ कार्निभल लगायतका कार्यक्रम हुँदै आएको छ ।  

सो कलेजले बेलायतको १८० वर्ष पुरानो विश्वविद्यालय युनिभर्सिटी अफ वल्भरह्यामटनको साझेदारीमा चार वर्षीय बिएसी अनर्स ईन्टरनेशनल बिजनेस म्यानेजमेन्टको ब्याचलरको कक्षा सञ्चालन गर्दै आईरहेको छ । 

null

सोमबार सम्पन्न कार्यक्रममा विद्यार्थीहरूले विभिन्न खाना,खेल स्टलहरु राखेका थिए । साथै बिद्यार्थीहरुले बिभिन्न सांगितिक कार्यक्रम साथै फेशन शो आयोजना गरेको कलेजका बिजनेस डेभलपमेन्ट म्यानेजर विवेक दाहालले बताए । 

कार्यक्रममा अतिथी कलाकारको रुपमा एक खुट्टाले नाच्ने निलाम ढुंगानाको प्रस्तुति रहेको थियो भने उनले विद्यार्थीहरुलाई जस्तो सुकै कठिन परिस्तिथिमा पनि हिम्मतका साथ काम गरे सफल हुन सकिने भनेर बताउँदा विद्यार्थीले उनलाई तालीले प्रोत्साहन गरेका थिए । 

इनोभेट नेपाल ग्रुपको व्यस्थापनमा सञ्चालित यस कलेजमा बेलायतको बिजनेस डिग्री सर्वशुलभ शुल्कमा अन्तरास्ट्रियस्तरमा नै पढाइ हुँदै आएको छ । इनोभेट नेपाल ग्रुपको व्यस्थापनमा मेरिल्याण्ड कलेज बिराटनगर , हेराल्ड कलेज काठमाडौँ, इस्लिंग्टन कलेज काठमाडौँ, इटहरी ईन्टरनेशनल कलेज र इन्फोम्याटिक्स कलेज पोखरा सञ्चालनमा रहेका छन् ।