आज नेपाल आइडलको आज ग्राण्ड फेनाले, को बन्ला नेपाल आइडल ?

पुस ६, काठमाडौं । एपी वान टेलिभिजनबाट प्रशारित नेपाल आइडल सिजन २ को आज फाइनल हुँदैछ । ललितपुर पुल्चोक स्थित पुल्चोक इन्जिनियरिङ क्याम्पसको प्राङगणमा हुुन गइरहेको ग्राण्ड फेनालेमा चार प्रतिष्पर्धी पुगेका छन् ।  

साँझ ६ बजेबाट सुरु हुने प्रतियोगिताको विजेता दर्शकको भोटिङको आधारमा तय गरिनेछ । प्रतिष्पर्धामा कञ्चनपुरका रबि ओड, पोखराका विक्रम बराल, झापाका सुमित पाठक तथा अस्मिता अधिकारी फाइनल चरणमा पुगेका छन् । चार मध्ये विक्रम र सुमित अडिसन राउण्डमा गोल्डेन माइक विजेता हुन् ।  

null

नेपाल आइडलको विजेताले नगद २२ लाख, होण्डा कार, एउटा म्युजिक एल्बम तथा वल्र्ड टुर प्राप्त गर्नेछन् । यसैगरी दोस्रो हुुनेले १६ लाख नगद वल्र्ड टुर प्राप्त गर्नेछन् भने, प्रतियोगितामा तेस्रो हुनेले नगद १२ लाख र वल्र्ड टुर हासिल गर्ने बताइएको छ ।  

प्रतियोगिताका निर्णायक न्यूह बर्जाचार्य, इन्दिरा जोशी तथा काली प्रसाद बाँस्कोटाले चारै प्रतिष्पर्धी उत्कृष्ठ रहेकोले नेपाल आइडलको ताज कसले लैजान्छ भनेर आंकलन गर्न नसकिने बताएका छन् ।  

प्रथम नेपाल आइडल पोखराका बुद्ध लामा भएका थिए । आज हुने फाइनल एपी वान टेलिभिजनले बेलुकी ६ बजेबाट प्रत्यक्ष प्रशारण गर्नेछ ।