नेहा कक्कर र हिमान्स कोहलीबीच ब्रेकअप भएको हो ?
मकालु खबर
मंसिर २५ । बलिउडकी चर्चित गायिका नेहा कक्कर र अभिनेता हिमान्स कोहली प्रेममा रहेको चर्चा लामो समयदेखि चल्दै आइरहेको छ ।
दुवैजना एकअर्का प्रति निकै नजिकिएका कारण पनि चलचित्र यारियाका हिमान्सको नाम म्यूजिक इन्डस्ट्रीकी क्यूट गायिका नेहासँग जोड्ने गरिन्छ ।
null
उनीहरुको विवाह हुने चर्चा चलिरहँदा के यी दुईको पनि ब्रेकअप हुन सक्छ ? यो प्रश्न धेरैको मनमा उब्जिएको थियो । विवाह भएको देख्न चाहने फ्यानहरुलाई भने नेहा र हिमान्सको ब्रेकअप भएको खबरले झड्का लाग्न सक्छ ।
पछिल्लो खबर अनुसार अब उनीहरुको विवाह हुने छैन । किनकी उनीहरुले अहिले एकापसमा दूरी बढाएका छन् । सामाजिक सञ्जालमा अहिलेसम्म एक अर्कालाई फलो गरिरहेका दुवैले अचानक इंस्टाग्राममा अनफलो गरेका छन् ।
नेहा कक्करले हिमान्ससँगको आफ्नो तस्बिरहरु पनि इन्स्टाग्राम अकाउन्टबाट हटाइसकेकी छिन् ।
इण्डियन आइडलको मञ्चमा पनि हिमान्स कोहलीले नेहा कक्कडलाई सरप्राइज दिएका थिए । त्यसपछि दुवैले रोमाञ्चक ढंगले आफूहरु प्रेममा रहेको बताएका थिए ।
हिमान्स र नेहाले मे हमसफर गीतमा एकसाथ काम गरिसकेका छन् ।
मकालु खबर
