नेपाल आइडल २ को विजेता भए सुदुरपश्चिमका रबि ओड

पुस ६, काठमाडौं । नेपाल आइडल सिजन २ को विजेता सुदुरपश्चिमका रबि ओड घोषित भएका छन् । आज सम्पन्न ग्रेण्ड फेनालेमा आफ्ना तीन प्रतिष्पर्धीलाई पाखा लगाउँदै रबि ओड विजयी भए ।  

प्रतियोगिताको फस्ट रनरअप पोखराका विक्रम बराल भए, सेकेण्ड रनरअप झापाका सुमित पाठक हुँदा झापाकी अस्मिता अधिकारी थर्ड रनरअप भइन् । 

कन्चनपुर घर भएका रबी लामो समय देखि धनगढीमा बसेर आफ्नो साङ्गितिक यात्रालाई अगाडि बढाउँदै थिए । ४ भाइ बहिनी सहित आमा बुबा रहेको परिवार रबि दिदि पछिका जेठा सदस्य हुन । रबिका बुबा इन्डियामा काम गर्छन । आफु साङ्गितिक क्षेत्रबाटै केहि गर्ने र बुबालाइ इन्डिया बाट घर फर्काई आफै सँग राख्ने रबिको चाहाना छ ।  

null

नेपाल आइडल विजेता भएपछि रबिले त्यसको श्रेय दर्शक र देशविदेशबाट भोट गर्ने नेपालीलाई दिएका छन् । रबिले नगद २२ लाख सहित होण्डको कार, एउटा म्युजिक एल्बम तथा र्वल्ड टुर पुरस्कार प्राप्त गरेका छन् । प्रतियोगिताको फस्ट रनरअप भएका विक्रमले नगद २० लाख सहित र्वल्ड टुर पाए भने, सेकेण्ड रनरअप सुमित पाठक भए । सुमितले १२ लाख बराबरको चेक र ट्रफी पाए ।  

थर्ड रनरअप अर्थात् चौथो अस्मिता अधिकारी भइन् । उनले होन्डाको स्कुटर पाएकी छन् । सिजन २ की एकमात्र नारी अस्मिता फाइनलमा पुगेकी थिइन् ।  

अन्नपूर्ण नेटर्वकका अध्यक्ष क्याप्टेन रामेश्वर थापा, म्यानेजिङ डाइरेक्टर लक्ष्मी पौडेल, अन्नपूर्ण मिडिया नेटर्वकका ग्रुप सम्पादक विजयकुमार पाण्डे, अन्नपूर्ण मिडिया नेटर्वकका निर्देशक सचन थापा नेपाल आइडलका निर्देशक सुरेश पौडेललगायतले पुरस्कार वितरण गरेका थिए ।