म्यानमारः अवैध रूपमा प्रवेश गरी जेल परेका बङ्गलादेशका सत्र नागरिक मुक्त
मंसिर २१, याङ्गुन । म्यानमारको जेलमा रहेका १७ जना बङ्गलादेशका नागरिकलाई मुक्त गरिएको जनाएको छ ।
आफ्नो जेलमा रहेका र सजाय पूरा गरेका ती बङ्गलादेशीलाई जेल मुक्त गरिएको म्यानमारका अधिकारीलाई उद्धृत गर्दै म्यानमारको अखबार ‘ग्लोबल न्युज लाइट अफ म्यान्मार’ले शु्क्रबार जनाएको छ ।
म्यान्मारको जेलबाट मुक्त भएका तीन १७ बङ्गलादेशी नागरिकलाई रखाइन राज्यको माउङ्गतावका अधिकारीहरूले बङ्गलदेशको सीमा सुरक्षा गार्डलाई बुधबार जिम्मा लगाएको जनाइएको छ ।
null
बङ्गलादेशको सीमा सुरक्षागार्डले उनीहरूलाई पानी जहाजबाट आफ्नो देश लैजाने तयारी गरिरहेको जानकारी दिएका बताइएको छ ।
जेलमा रहेका १७ मध्ये १४ जनालाई म्यानमारमा अवैध रूपमा प्रवेश गरेर बिना काम बसिरहेको आरोप लगाइएको थियो । त्यसैगरी अरू तीन जनालाई भने म्यानमारमा विभिन्न अपराधमा संलग्न रहेको आरोप लगाइएको थियो ।
उनीहरूलाई दिइएको जेल सजाय पूरा भएपछि जेलबाट मुक्त गरिएको म्यानमारका अधिकारीले जानकारी दिएका छन् ।