चलचित्र ‘समर लभ’ को टिकट काट्दा थाईल्याण्ड जान पाईने

माघ ६, धरान । युवा पुस्ता माँझ निकै लोकप्रिय साहित्यकार तथा उपन्यासकार सुविन भट्टराईको चर्चित उपन्यास ‘समर लभ’ मा आधारित नेपाली चलचित्र ‘समर लभ’ यहि माघ २५ गतेबाट देशै भरी प्रर्दशनमा आउँने भएको छ । 

आईतबार सुनसरीको धरानमा पत्रकार भेटघाट कार्यक्रमका बीच चलचित्रको आउँदो माघ २५ गते देशभरीका हलहरुमा लाग्ने बारेमा निर्माण पक्षले जानकारी गराएको हो । भेटघाटकै क्रममा चलचित्रमा विभिन्न कारणले प्रेममा आउने उतार चढावलाई चलचित्रमा देखाउन खोजिएको चलचित्रका निर्माता खगेन्द्र श्रेष्ठ र ईन्दु भण्डारीले बताए । 

null

उपन्यासमा समाहित गरिएको प्रायजसो डाइलग यस चलचित्रमा प्रयोग भएको छ भने अहिलेको जेनेरेसनको युवा युवतीको प्रेम कस्तो हुन्छ भन्ने कुरालाई सो चलचित्रमा प्रस्तुत गरिएको छ । जहाँ रोमान्स,प्रेम, बियोग, को कुरालाई देखाएको छ । भ्यालेन्टाइन डेको छेको पारेर माया गर्ने जोडीहरुलाई बिशेष उपहारको रुपमा सो चलचित्रको हलहरुमा लाग्ने समय निर्धारण गरिएको निर्माण टिमले जनाएको छ ।  

चलचित्रमा मुख्य पात्रको रुपमा अभिनेता आशिष पिया र अभिनेत्री रेवती क्षेत्री लाई देख्न पाईने छ भने यसका आलावा सुरज सिंङ ठकुरी, नम्रता सापकोटा, शिशिर भण्डारी, सरोज खनाल र ओम प्रतीक लगायतका कलाकारहरुलाई अभिनय गरेको देख्न सकिन्छ । जसमा अभिनेत्री क्षेत्री मिस ईन्डीया ईन्टरनेश्नल २०१६ की बिजेता समेत भईसकेकी छिन् भने उनी भारतको मुम्बई बस्दै आई्रहेकी छिन् साथै कयौ भारतीय चलचित्रका सर्ट मुभिजहरुमा अभिनय गरसकेकी छिन । 

सोही क्रममा चलचित्रकी नायिका क्षेत्रीले चलचित्रको पोस्टर प्रति आएको चर्चाका बारेमा हरेको हेर्ने र सोच्ने दृष्टीकोण फरक भएको भन्दै चलचित्रको पोष्टरबारे कुनै बिवाद ल्याउनु उचित नहुने बताईन । उनले साहित्यमा आधारित चलचित्रलाई भिजुलाईजेशन गर्दा यस्तो देख्नु स्वभाविक हो । व्यवसायिक रुपमा सफल चलचित्र ‘नाइ न भन्नु ३’ मा उत्कृष्ट निर्देशक गरिसकेका निर्दैशक मुस्कान ढकालको समर लभमा समेत निर्देशन गरेका छन् । 

करिब अढाई करोडको लागतमा निर्माण गरि नाइटिङ्गेल इन्टरटेन्मेन्टले प्रस्तुत गरेको चलचित्रलाई मन कृष्ण महर्जनले भिडियो खिचेका छन् भने अर्जुन जिसीले सम्पादन गरेका छन् । पछिल्लो समयका चर्चित गायक पुष्पन प्रधानको संगीत रहेको चलचित्रको साया बोल को गीतले समेत दर्शाक माँझ धेरै चर्चा पाइरहेको छ । 

चलचित्रको गीत र टिजर रिलिज अगाडी नै सार्वजनिक गरिएको सो गीतलाई दर्शकले निकै रुचाउनुको साथै,राम्रो प्रतिक्रिया समेत दिएका छन् । चलचित्र समर लभको बिषयमा धेरैमा कौतुहल्ता रहेको छ कि यो चलचित्र कस्तो छ भनेर , त्यही कौतुहल्तालाई केही हद सम्म रिलिज गरिएको ट्रेलरले, मेटाएको छ भने कौतुहलता पुरा मेट्नको लागि भने दर्शकले आउँदो माघ २५ सम्म पर्खिनै पर्ने देखिएको छ । यो सँगै चलचित्र समर लभका निर्माण पक्षले दर्शकहरुले हलमा गई टिकट खरिद गरी चलचित्र हेर्न र टिकटको नं लाई लक्की ड्र मार्फत एक जोडीलाई थाईल्याण्ड घुम्ने अवसर प्रदान गर्नुका साथै चलचित्रको हरेक गीत, टे«लर, पोस्टर फेसबुक मार्फत सेयर गर्नुका साथै चलचित्र हेरेको टिकट साथमै राख्न अनुरोध समेत गरेका छन् ।