यो वर्ष प्रियंका कार्कीको जिवनले लिने छ नयाँ मोड

पुस २९, काठमाडाैँ । नेपाली फिल्म जगतकी निकै व्यस्त र चर्चित नयिका प्रियंका कार्कीको लागि २०१९ निकै विशेष वर्ष रहने भएको छ । उनको जिवनमा यो वर्ष नयाँ मोड आउँने छ, प्राप्त जानकारी अनुसार केही वर्ष देखी नायक तथा मोडल आयुष्मान देशराजको प्रेममा रमाएकी कार्की यो वर्ष उनै प्रेमी सँग बिहे गर्ने पक्कापक्की भईसकेको छ । नायिका कार्कीले जुलाई महिनामा प्रेमी आयुष्मान सँग बिहे गर्ने तयारी गर्दैछिन् । 

नायिका कार्की भन्छिन्–‘मैले बिहेका लागि समय दिन सकिन भने मलाई घरमा गाली गर्छन् । यसैले, बिहेका लागि मैले प्रशस्त समय दिनेछु । ‘जुलाइ महिनामा हामी बिहे गर्दैछौ ।’ नायिका कार्कीले केही बर्षदेखि चलचित्र निर्माण गर्ने चर्चा चलेको थियो । उनले नायक दयाहाङ राइसँग मिलेर चलचित्र प्रोडक्सन कम्पनी खोल्ने योजना पनी गरेकी थिइन् तर, त्यो योजना बिफल भयो । यो वर्ष भने नायिका कार्कीलेले चलचित्र निर्माण गर्ने पक्का पक्की भईसकेको छ । नायिका कार्कीले निर्माण गर्न लागेको फिल्ममा साम्तेन भुटियाले निर्देशन गर्ने हल्ला समेत चलेको छ ।  

null

तर, नायिका कार्की यसबारेमा यसो भन्छिन्, ‘हो, मैले साम्तेनजीसँग चलचित्र बनाउँदैछु । तर, मेरो प्रोडक्शनको पहिलो चलचित्र साम्तेनसँग होइन । अहिले मैले आफै कथामा काम गरिरहेको छु । सायद, पहिलो चलचित्र म आफै निर्देशन गर्छु होला ।’ 

नायिका कार्कीको प्रोडक्शनमा निर्माण हुन लागेको पहिलो फिल्मको निर्देशन उनी आफै गर्ने कि सह–निर्देशन भएर काम गर्ने भन्ने बारेमा चाही खुलाउन चाहिनन् ।