बम्जनमाथि अनुसन्धान गर्न सिन्धुपाल्चोक पुग्यो प्रहरी टोली

पुस २०, काठमाडौँ । प्रहरीको केन्द्रीय अनुसन्धान ब्युरो (सिआइबी) को टोलीले ‘तपस्वी’ रामबहादुर बम्जनको आश्रमस्थल सिन्धुपाल्चोक पुगेर बम्जनमाथि अनुसन्धान सुरु गरेको छ । 

बम्जनको आश्रममा गएका अनुयायीहरु बेपत्ता भएको तथा आश्रममा हत्या हिंसा, बलात्कार हुने गरेको खबर बाहिरिएपछि प्रहरीले यसको सत्य तथ्य पत्ता लगाउन अनुसन्धान थालेको हो । 

null

बम्जनविरुद्ध उजुरी परेका जिल्लाहरुमा सम्बन्धित प्रहरी कार्यालयलाई अनुसन्धान गर्न निर्देशन दिइएकाे छ । 

बम्जन अहिले सिन्धुलीको आश्रममा रहेको प्रहरीले जनाएको छ। उनलाई प्रहरीले चौबीसै घन्टा निगरानीमा राखेको छ। 

गत शुक्रबार राजधानीमा पत्रकार सम्मेलन गर्दै पीडित परिवारले बम्जनको आश्रमबाट बेपत्ता भएकाहरुको खोजी गर्न माग गरेका थिए। बम्जनको आश्रमबाट चार जना बेपत्ता भएको पीडित परिवारले बताएका छन्।