मोरङको सामुदायिक विद्यालयमा अंग्रेजी माध्यमबाट पढाई

बिराटनगर, पुस १९। शिक्षालाई प्रभावकारी बनाउन भन्दै मोरङको कटहरी गाउँपालिकामा रहेका १९ वटा सामुदायिक विद्यालयमा अंग्रेजी माध्यमबाट पढाइ सुरु गरिएको छ । अंग्रेजी भाषाप्रतिको बढ्दो आकर्षण र मोहका कारण त्यसमा पोख्त गराउँन गाउँपालिकाले यस्तो पद्धती सुरु गरेको हो । 

अंग्रेजी अन्तर्राष्ट्रिय भाषा भएकाले पनि यो भाषा सिक्नु धेरैको लागि अनिवार्यजस्तै भइसकेको छ । यही अवस्थालाई दृष्टिगत गरी मोरङको कटहरी गाँउपालिकामा रहेका १९ वटा सामुदायिक विद्यालयमा नर्सरी देखि कक्षा १ सम्म अंग्रेजी माध्यममा पढाउन थालिएको छ । कटहरी गाँउपालिकाको सहयोग र पहलमा गाउँपालिका भित्रका विद्यालयहरुमा अंग्रेजी माध्यमबाट पढाइ गर्न थालिएको हो । 

null

समाजमा अंग्रेजीप्रतिको प्रभावकारीतालाई मूल्याङकन गर्दै विद्यालयहरुमा पढाइको माध्याम अंगे्रजी बनाइएको कटहरी गाउँपालिकाका अध्यक्ष रामकुमार कामतको भनाइ छ । उनले यसअघि कटहरी गाउँपालिकाका प्राय सवै विद्यालयको अवस्था खराब रहेपनी अहिले सुधार भएपछी सामुदायीक विद्यालयमा अध्यन गर्ने विद्यार्थीको संख्यामा ह्वात्तै बृद्धि भएको जानकारी दिए । 

उनले भने ‘ पहिले कटहरी गाउँपालिकाका प्राय सबै सामुदायिक विद्यालयको अवस्था र शैक्षिक गुणस्तर खराब थियो । कटहरी गाउँपालिका भित्रै ३ विद्यालयहरु मर्ज भईसकेको अवस्था थियो । हामीले किन मर्ज हुँदैछ भनेर हेडसरहरु सँग अभिभावक लगायत सबै सरोकारवालाहरु सँग छलफल गर्दा अभिभावकले सामुदायिक विद्यालयमा अंग्रेजी माध्यममा पढाई नहुने भएकाले विद्यार्थी बोर्डिङ स्कुलमा पढ्न थालेकाले सामुदायिक विद्यालयमा विद्यार्थी घटेको बताएपछी हामीले परिवर्तन गर्ने सोच बनाएर अघि बढ्यौँ ।’ 

अध्यक्ष कामतले अभिभावकहरुबा सकारात्मक कुरा आएपछी गाउँपालिकाले पहिलो पल्ट ५० लाख रुपैयाँ बजेट विनियोजन गरेर १८ वटै सामुदायिक विद्यालयमा अंग्रेजी माध्यममा पठन पाठन सुरु गरिएको बताए । उनले भने ‘ अभिभावकहरुबाट पनि सकारात्मक कुरा आएपछी हामीले पहिलो पल्ट ५० लाख छुट्यायौँ र अंग्रेजी माध्यम सुरु गर्याै। अहिले त्यसको रिजल्ट निकै राम्रो भएको छ ।’ अध्यक्ष कामतले अंग्रेजी माध्यम सुरु गरेपछी विद्यालयमा विद्यार्थीहरुको संख्या निकै बढेको दावी गरे । उनले हाल निजि विद्यालयमा अध्यन गर्ने वालवालिकाहरु प्नि सामुदायिक विद्यालयमै पढ्न आउन थालेको बताए । 

उनले भने ‘ अंग्रेजी माध्यममा सामुदायिक विद्यालयमा पढाई सुरु भएपछी विद्यार्थीको संख्या बढेको छ । बोर्डिङ स्कुलमा पढ्ने विद्यार्थी पनि अहिले सामुदायिक विद्यालयमा अध्ययन गर्न थालेका छन् । पढाईको गुणस्तर बढेपछी अभिभावकहरु पनि खुशी छन् ।’ अहिले सबैजसो निजी विद्यालयमा अंग्रेजी माध्यममै पढाइ हुन्छ तर अधिकांश सरकारी विद्यालयमा नेपाली माध्यमबाट पढाइ हुने हुँदा धेरै सामुदायिक विद्यालयमा विपन्न र गरिबका बालबालिका बढी देखिन्छन् । 

समयको आवश्यकता र बिपन्न अविभावकहरुको मनोभावनालाई बुझेर अंग्रेजी माध्यममा पढाउन थालिएको प्रजातन्त्र मा.वि. भौडाहाका प्रधानाध्यापक ओम बिष्टले बताए । सँगसँगै अंग्रेजी भाषाको बढ्दो दबदबा र प्रभावले पछिल्लो समय धेरै विद्यार्थीमा नेपाली भाषा या मातृभाषाप्रतिको दख्खल भने कमजोर हुँदै गइरहेको छ । अंग्रेजी भाषामा पोख्त बन्नु त राम्रो हो तर त्यसका नाममा हाम्रा मौलिक र मातृभाषा भने ओझेलमा पर्न थालेको पाईन्छ ।