अहिलेको सरकार बलियो भएपनि बरालिएको छः गगन थापा

पुस २४, काठमाडौँ । नेपाली काङ्ग्रेसका केन्द्रीय सदस्य गगनकुमार थापाले तत्कालीन सरकारले जनताको अपेक्षा अनुसार काम गर्न नसकेको बताएका छन् । 

नेपाली कांग्रेस बनेपा नगरपालिका–३ र ४ को संयुक्त आयोजनामा मंगलबार काभ्रेको नाला शेरामा भएको कार्यकर्ता भेलामा नेता थापाले यस्तो बताएका हुन् । 

null

कार्यक्रममा उनले अहिलेको सरकार बलियो भएपनि बरालिएको आरोप लगाए । नेता थापाले सरकारले देशभित्रै नयाँ उद्योग खोल्ने र युवाले रोजगारी पाउने स्थिति बनाउन नसकेको बताए । ‘न युवाले बाहिर काम गर्न जान पाएका छन्, न त देशमा नै बसर काम गर्न पाएका छन्’, उनले भने । 

नेता थापाले नियम अनुसार संसद्मा सांसदहरुले प्रस्ट हुनको लागि प्रश्न सोध्न पाउने र प्रधानमन्त्रीले त्यसको उत्तर दिनुपर्ने बताए । 

प्रतिपक्षको भूमिका निर्वाह गर्दै सरकारलाई मद्दत गरिरहेको उल्लेख गर्दै उनले प्रधानमन्त्रीले सदनमा कुरा राख्न आउने तर त्यसमा उठेको कुराको प्रश्न राख्न नदिने कस्तो खालको नीति हो भन्ने प्रश्न गरे ।