(नेका)को १ नं. प्रदेशको अध्यक्षमा माेहन तिगेला

पुस १७, धरान । राष्ट्रिय शैक्षिक परामर्श संघ (NECA) १ नं. प्रदेशको अध्यक्षमा सुनसरी धरानका माेहन तिगेला सर्वसम्मत चयन भएका छन् । 

संघको हिजो इटहरीमा सम्पन्न प्रदेश स्तरीय भेलाले माेहन तिगेलाको अध्यक्षतामा १ नंं प्रदेश स्तरीय कार्य समिति समेत गठन गरेको हो । तिगेला धरान स्थित इडेन एकेडेमीका म्यानेजिङ डाइरेक्टर हुन् ।  

संघको उपाध्यक्षमा विर्तामोडका शैक्षिक परामर्श ब्यवसायी दिवाकरलाल चौधरी सर्वसम्मत भए । उनी विर्तामोड स्थित निधि ग्रुप एनजिओआइएमइका सञ्चालक हुन् । यस्तै कमिटिको सचिबमा टिका ढकाल सर्वम्मत भए । 

null

संघको कोषाध्यक्षमा निरज पौडेल, सदस्यहरुमा क्रमशः गम्भीर भगत, बेन्जु ताम्रकार, टिकाराम न्यौपाने, सुवास लुईटेल, सन्तोष कुरुम्बाङ्ग, विशाल खुलाल र प्रकाश कार्की चयन भएको नवनिर्वाचित अध्यक्ष कमल तिगेलाले बताए । १ नं. प्रदेशका विभिन्न शहरमा रहेका ६० भन्दा बढी कन्सल्टेन्सी ब्यवसायीहरुको भेलाले संघको प्रदेश कमिटि गठन गरेको हो ।  

प्रदेश भेलामा राष्ट्रिय शैक्षिक परामर्श संघका केन्द्रिय संयोजक संन्तोष प्याकुरेल, वरिष्ठ सल्लाहकार सरोज बस्नेत र द्विराज शर्मा शिवाकोटीको उपस्थिति रहेको थियो ।  

अध्यक्षमा सर्वसम्ममत भएपछि तिगेलाले १ नंं. प्रदेशका शैक्षिक परामर्श ब्यवसायलाई मर्यादित बनाउँदै विद्यार्थी अभिभावकलाई सहि परामर्श दिनुका साथै ब्यवसायीक दक्षता विकासका लागि विभिन्न शैक्षिक तालिम, क्षमता अभिमूखिकरणका कार्यक्रम ल्याइने बताए ।  

‘यहाँका करिब २ सय शैक्षिक परामर्श ब्यवसायीलाई एकत्रित गरेर उनीहरुको ब्यवसायीक हक अधिकार सुनिश्चित गर्न तथा विद्यार्थी अभिभावकको सुरक्षित बैदेशिक शिक्षा प्रदान गर्न यो संस्था प्रतिबद्ध रहेको छ ।’ उनले भने ।