नक्कली प्रमाणपत्रधारी तीन विमान चालकसहित ५० कर्मचारीलाई बर्खास्त गरियाे

पुस १७, इस्लामावाद । पाकिस्तानको राष्ट्रिय ध्वजाबाहक विमानका चालकसहित ५० जना कर्मचारीलाई बर्खास्त गरिएको छ । 

उनीहरुको शैक्षिक प्रमाणपत्र नक्कली भेटिएकाले बर्खास्त गरिएको र बर्खास्त हुनेमध्ये तीन जना विमान चालक रहेको जनाइएको छ । 

पाकिस्तान अन्तर्राष्ट्रिय एयरलाईन्स (पिआइए) ले आफ्ना ५० कर्मचारीको विद्यालय तहको शैक्षिक प्रमाणपत्र नक्कली भएको अहिले पत्ता लगाएको हो । 

null

पिआइएका प्रवक्ता मसुद ताजवारले यसअघि पनि कम्तीमा छ जना विमान चालकलाई यही कारणले बर्खास्त गरिसकिएको सोमबार जानकारी दिए । 

नक्कली प्रमणपत्र ठूलो चुनौतीका रुपमा देखिएको उनको भनाइ छ । एयरलाईन्सले नक्कली प्रमाणपत्रधारी विमान चालकहरुको चालक अनुमतीपत्र पनि रद्ध गरिदिएको प्रवक्ता ताजवारले बताए ।