मोदीको बायोपिकमा विवेक ओबेराय, शीर्षक हुनेछ ‘पीएम नरेन्द्र मोदी’

पुस २०, काठमाडौँ । २०१९ मा भारतीय प्रधानमन्त्री नरेन्द्र मोदीको बायोपिक रिलिज हुने भएको छ । जसमा मुख्य भूमिकामा हुनेछन् विवेक ओबेराय । 

फिल्मको फस्र्ट लुक पोस्टर ७ जनवरीमा सार्वजनिक गरिने छ । यसको सुटिङ्ग पनि जनवरीबाटै सुरु हुँदैछ । चलचित्रको निर्देशन ओमंग कुमारले गर्दैछन् । 

null

यद्यपी पहिले परेश रावल पीएम मोदीको भूमिका निभाउन तयार थिए तर पछि उनले फिल्म् छोडिदिए । फिल्म् को तयारी दुई महिना अघिदेखि नै सुरु भइसकेको छ । लोकसभा चुनाव भन्दा पहिले नै सुटिङ पुरा गरिनेछ । 

फिल्ममा चिया पसल चलाउने, गुजरात ट्रान्सपोर्ट कोर्परेशनको क्यान्टिनमा स्टाफको काम गर्ने, राजनीतिमा आउने, गुजरातको सीएम बन्नेदेखि लिएर प्रधानमन्त्री बन्ने सम्मको यात्रा देखाइने छ । फिल्मको अधिकांश सुटिङ गुजरातमा नै गरिएको छ ।