टी–ट्वान्टी क्रिकेट: सोमपाल कामीले लिए २ विकेट

माघ १८, काठमाडौँ । घरेलु टोली युएईविरुद्धको टी–ट्वान्टी अन्तर्राष्ट्रिय क्रिकेट सिरिजको दोस्रो खेलमा नेपालले टस हारेर बलिङ गरिरहेको छ । 

खेलको शुरुवातमै नेपालले सफलता प्राप्त गरिरहेको छ । सोमपाल कामीले यूएईको २ विकेट पतन गराउँदै नेपाललाई सफलता दिलाएका हुन् । 

null

तेस्रो ओभरको तेस्रो बलमा उनले सब्बिरलाई ६ रनमा क्याच आउट गरे । उनको यो दोस्रो विकेट हो । पहिलो ओभरको अन्तिम बलमा सोमपाल कामीले असफाक अहमदलाई आउट गरेका थिए । 

यसअघि पहिलो खेलमा नेपाल बिहीबार २१ रनले पराजित भएको थियो। 

युएईले २ ओभर ३ बलमा २ विकेट गुमाएर ११ रन जोडेको छ । तीन खेलको टी–ट्वान्टी सिरिजमा युएई १–० ले अघि छ ।