बुढासुब्बा प्रवर्द्धन कपको उपाधि खेलकुद विकास समितिलाई

माघ २०, धरान । बुढासुब्बा प्रवर्द्धन कपको उपाधि धरान नगर खेलकुद विकास समितिले हात पारेको छ । आज सम्पन्न फाइनल खेलमा नेपाल पत्रकार महासंघ सुनसरीलाई पराजीत गर्दै उपाधि कब्जा गरेको हो । 

माघ २६ गतेबाट सुनसरीको धरानमा हुने २१ औं आमन्त्रण बुढासुब्बा गोल्डकपको प्रवर्द्धन लागी गत माघ १२ गतेबाट सुरु भएको बुढासुब्बा प्रवर्द्धन कप प्रतियोगिताको फाइनलमा पत्रकार महासंघलाई खेलकुद विकास समितिले १–० को गोल अन्तरले पराजीत गर्यो । 

null

धरान स्थित एन्फा एकेडेमीको खेल मैदानमा भएको फाईनल खेलमा खेलकुद समितिको तर्फबाट एक मात्र गोल सुजन बस्नेतले खेलको अन्तिम समयमा गरेका थिए । निर्धारित ६० मिनेटको खेलमा सुजन बस्नेतले ५७ औं मिनेटमा गोल गरेका थिए । 

खेलमा पत्रकार महासंघका खेलाडी हावी भएपनि अन्तिम ३ मिनेट टीम सम्हालिन नसक्दा महासंघ हार बेहेर्न बाध्य हुनुपर्याे खेलको म्यान अफ दी म्याच धरान नगर खेलकुद बिकास समितिका सुजन बस्नेत घोषित हुँदै नगद १ हजार सहित मेडल प्राप्त गरेका छन । 

प्रवर्द्धन कपमा विजेताले नगद ३० हजार सहित ट्रफी, मेडल र प्रमाण पत्र प्राप्त गरेका छन । भने, उपविजेताले नगद १५ हजार रुपैयाँ सहित ट्रफी, मेडल र प्रमाण पत्रमा चित्त बुझाएका छन् । 

प्रतियोगिताको उत्कृष्ठ खेलाडीमा समितिका सुजन बस्नेत भए । उनले नगद ५ हजार सहित ट्रफि पाए । उत्कृष्ठ स्कोरर महासंघ सुनसरीका धिरेन लिम्बु घोषीत हुँदै नगद ३ हजार ट्रफि प्राप्त गरे । उनले उत्कृष्ठ फरवार्डको उपाधि पनी पाए । 

तस्विरः राेहित राईकाे फेसवुकबाट 

महासंघकै बिक्की श्रेष्ठ उत्कृष्ठ गोल किपर घोषीत हुँदै नगद २ हजार र ट्रफि हात पार्दा समितिका तर्फबाट रिकेश लिम्बु उत्कृष्ठ डिफेन्डर, समितीकै किसान राई उत्कृष्ट मिडफिल्डर घोषीत हुँदै जनही दुई दुई हजार नगद हात पारेका छन् । 

प्रतियोगिताका विजयी टीम, खेलाडी हरुलाई धरान फुटवल क्लबका अध्यक्ष तथा एन्फाका मानार्थ उपाध्यक्ष किशोर राई, धरान उपमहानगरपालिकाकी कार्यवाहक प्रमुख मन्जु भण्डारी लगायतले शिल्ड, ट्रफी तथा पुरस्कार वितरण गरेका थिए ।