एसईईमा नायिका करिश्मा मानन्धर सहभागी

काठमाडौं, १० चैत्र । आजबाट सुरू माध्यमिक शिक्षा परीक्षा एसईईमा नायिका करिश्मा मानन्धर सहभागी भएकी छन् । उनी विजय स्मारक मावि डिल्लीबजार केन्द्रबाट परीक्षामा सहभागी भएकी हुन् । उनी त्रिवेणी पब्लिक बोर्डिङ स्कुल मैतीदेवीकी विद्यार्थी हुन् । 

कक्षा ७ पढ्दापढ्दै पढाइ छाडेर फिल्ममा लागेकी करिष्मा मैतीदेवीस्थित त्रिवेणी स्कुलमा कक्षा ८ मा भर्ना भएर पढ्न थालेकी थिइन । उनी अहिले ४५ वर्ष पुगेकी छन् । एसईईको तयारी गर्नुपर्ने भएकाले उनी फागू पूर्णिमामा होली खेल्ने कार्यक्रम पनि त्यागेकी थिइन् । 

null

म्याथ र अकाउन्टको ट्यूसन समेत पढेकी उनले यीनै दुई विषयमा बढी अंक ल्याउने अपेक्षा गरेको बताइन् । तर, उनलाई गाह्रो लाग्ने विषयचाहिँ विज्ञान हो । यस वर्षको एसईई परीक्षामा देशभरबाट ४ लाख ७५ हजार परीक्षार्थी सहभागी भएका छन् । तीमध्ये दुई लाख ३६ हजार ४ सय ४५ छात्र र २ लाख ३८ हजार ५ सय ५८ छात्रा रहेका छन् ।