कहिल्यै स्कूल गइनन् कट्रिना, अर्जुन कपूर १२ कक्षा फेल, सलमान खानको पढाइ कति ?

चैत १३ काठमाडौँ । शिक्षा करिअरको लागि महत्वपूर्ण मानिएपनि कतिपय सेलिब्रटी तथा उच्च पदका मानिसहरुले उच्च शिक्षा हासिल गरेका छैनन् । कतिले आफ्नो पारिवारिक तथा आर्थिक समस्याका कारण शिक्षा हासिल गर्न पाएनन् भने कति आफ्नो मर्जीले शिक्षाबाट टाढै रहे । 

नेपालमा मात्रै होइन, भारतलगायतका अन्य देशहरुमा पनि कति सेलिब्रटीहरुले उच्च शिक्षा हासिल गरेका छैनन् । तर पनि उनीहरु सफल छन् । त्यस्तै सेलिब्रटिमा पर्छिन् नायिका कट्रिना कैफ । 

हङकङमा जन्मिएकी कट्रिना कैफले सन् २००३ मा चलचित्र ‘बूम’ बाट डेब्यु गरेकी थिइन् । कट्रिनाको पहिलो फिल्म बक्स अफिसमा हिट हुन सकेन । फ्लप भयो । केही वर्षपछि भने उनी बलिउडमा डेरा जमाउन सफल भइन् । अहिले उनको फिल्म् एकसे एक हिट छन् । 

null

तर कट्रिनाले उच्च शिक्षा हासिल गरेकी छैनन् । फिल्म् इन्ड्रस्टीमा कैटरीना एक्ली होइनन्, जसको शैक्षिक योग्यता कम छ । कट्रिना कैफ पारिवारिक समस्याका कारण स्कूल जान पाएकी थिइनन् । उनी सानो छँदा नै उनका बाबु–आमा अलग्गिएका थिए । कट्रिनाले १४ वर्षको उमेरमा नै मोडलिङ गर्न सुरु गरेकी थिइन् । कट्रिना सात भाइ–बहिनीमध्येकी एक हुन् । 

बलिउडका आमिर खान र सुपरस्टार सलमान खानले पनि स्कूलसम्मको मात्रै पढाई पूरा गरेका छन् भने करिश्मा कपूरले पाँच कक्षा मात्रै पास गरेकी छिन् । 

अभिनेत्री दीपिका पादुकोणले पनि स्कूले शिक्षामात्र हासिल गरेकी छिन् । बोनी कपुरका छोरा नायक अर्जुन कपुर पनि १२ कक्षा फेल हुन् । तर उनीहरु सबैले आफ्नो भविष्य उज्जवल बनाएका छन् ।