राज्यविरुद्धको अभियोगमा पक्राउ परेका विप्लव समूहका १७ जना धरौटीमा रिहा
मकालु खबर
२०७५ चैत १५ गते
चैत १४, चौतारा । नेत्रविक्रम चन्द विप्लव नेतृत्वको नेकपाका १७ नेता–कार्यकर्ता धरौटीमा रिहा भएका छन् ।
सिन्धुपाल्चोक जिल्ला अदालतले राज्यविरुद्धको अभियोगमा मुद्दा चलाइएका जिल्ला समिति सदस्य रञ्जीतसिंह ठकुरीसहित १७ जनालाई धरौटीमा छोड्ने आदेश दिएको हो ।
null
जिल्ला न्यायाधीश टीकाराम आचार्यको एकल इजलाशले बाह्रबिसे नगरपालिका निवासी इन्द्रबहादुर ठकुरीलाई रु २५ हजार तथा अन्य १३ लाई जनही रु छ हजार धरौटीमा रिहा गर्ने आदेश गरेको हो ।
थुनामा रहेका रविता अधिकारी, हीरा खत्री र सविता श्रेष्ठलाई भने साधारण तारेखमा छाड्ने आदेश भएको स्रेस्तेदार लेखनाथ पौडेलले जानकारी दिए ।
उनीहरुलाई गत फागुन १८ गते चौतारा सागाचोकगढी नगरपालिका–१० कार्कीटारस्थित एक व्यक्तिको घरमा सुतिरहेको अवस्थामा बिहान २ बजे प्रहरीले छापामारी नियन्त्रणमा लिएको थियो ।
मकालु खबर
२०७५ चैत १५ गते
प्रतिक्रिया
सम्बन्धित