प्रधानमन्त्रीले ‘क्याप्टेन’ हेरेर अनमोल केसीलाई चिन्दिन भनेपछि…(भिडियोसहित)

चैत ७, काठमाडौँ । प्रधानमन्त्री केपी शर्मा ओलीले बुधबार अर्थात् होलीका दिन अनमोल केसीको चलचित्र ‘क्याप्टेन’ हेरे । प्रम ओलीका साथमा पत्नी राधिका शाक्य, पिता र अन्य नेताहरु पनि सहभागी थिए । साथै क्याप्टेन टीम पनि थिए, हलमा । नायक अनमोल केसीको निमन्त्रणामा प्रम ओलीले कमल पोखरीस्थित बिग मुभिजमा सपरिवार साँझको शो हेरेका हुन् । फिल्म् हेरेर प्रधानमन्त्रीले चलचित्रमा देशभक्ति देखिएको भन्दै एकदमै उत्कृष्ट चलचित्र बनेको प्रतिक्रिया दिए । अनमोल केसी कस्तो लाग्यो भन्ने पत्रकारहरुको प्रश्नमा प्रधानमन्त्रीले आफूले इशान खड्का मात्रै चिनेको भन्दै ठट्टा गरे । ‘अनमोल केसीलाई त मैँले चिनेको छैन । फिल्म् हेरेर इशानलाई मात्रै चिनेँ । इशान खड्का इज द बेस्ट प्लेयर’, उनले भने । 

null

अनमोल केसीले प्रधानमन्त्रीले नेपाली चलचित्रलाई माया र सपोर्ट गरेको देखेर खुशी लागेको बताए । सुपरस्टार नायक तथा निर्माता भुवन केसी पनि निकै उत्साहित र खुशी देखिन्थे । चलचित्र हेर्नुभन्दा अगाडी सबैले रंग दलेर होली समेत मनाएका थिए । 

दिवाकर भट्टराईको निर्देशन रहेको चलचित्र अहिलेतेस्रो हप्तामा प्रर्दशन भइरहेको छ । चलचित्रमा अनमोल केसी, उपासना सिंह ठकुरी, प्रियंका एमभी, विल्सन विक्रम राईको मुख्य भूमिका रहेको छ ।