सुशान्तले सारालाई इन्स्टाग्राममा अनफलो किन गरे ?

चैत १०, काठमाडौँ । बलिउड स्टार सारा अली खान र सुशान्त सिंह राजपूत सिंहको सम्बन्ध अहिले बिग्रिएको छ । 

सुशान्तले सारालाई इन्स्टाग्राममा समेत अनफलो गरेका छन् । सुशान्तले आफ्नो सबै पुरानो पोष्ट पनि डिलीट गरेका छन् । यद्यपी सारा सुशान्तलाई अझै पनि फलो गरिरहेकी छिन् । प्राप्त जानकारी अनुसार सुशान्तले सारालाई अनफलो गर्नुको कारण कार्तिक आर्यन हुन् । 

null

दुवै जना यतिबेला निर्देशक इम्तियाज अलीको चलचित्रको शूटिङ्गमा व्यस्त छन् । उनको साथमा कयौँ तस्विर र भिडियोहरु पनि सार्वजनिक भएका छन् । 

यो एक रोमान्टिक ड्रामा हो । करण जौहर च्याट शो मा साराले बताइसकेकी पनि छिन् कि, कार्तिक आर्यन उनलाई क्यूट लाग्छ । उनी कार्तिकको साथमा डेट जान चाहन्छिन् । सारा र कार्तिक नजिकिँदै गएपछि सुशान्त टाढिएका हुन् भन्ने अनुमान गरिएको छ । 

केही समय पहिले सारा र सुशान्तको अफेयर छ भन्ने हल्ला चलेको थियो । यसमा सारा र सुशान्तले औपचारिक रुपमा जानकारी दिएका छैनन् । 

साराले चलचित्र ‘केदारनाथ’ बाट डेब्यु गरेकी थिइन् । यस चलचित्रमा सुशान्त उनको अपोजिट रोलमा थिए । केदारनाथ बक्स अफिसमा पनि हिट भएको थियो ।