सर्वोच्चको न्यायाधीशमा सिफारिस पाँचै जनाको नाम अनुमोदन

बैशाख ५, काठमाडौं । सर्वोच्च अदालतको न्यायाधीशमा सिफारिस पाँचै जनाको नाम सर्वसम्मत रुपमा अनुमोदित भएको छ । 

बिहीबार बसेको संसदीय सुनुवाइ समितिको बैठकले सर्वोच्च अदालतको न्यायाधीशमा सिफारिस ५ जनाकै नाम अनुमोदन गरेको हो । 

null

बिहीबार उजुरीकर्ता र न्यायाधीशहरु सँग समितिले छलफल गरेको थियो । उनीहरुविरुद्ध ५ वटा उजुरी परेको थियो । 

सुनुवाइ समितिबाट नाम अनुमोदन भएपछि अब उनीहरुको नियुक्ति राष्ट्रपतिबाट हुनेछ । 

न्यायपरिषद्ले केही दिनअघि हरि फुयाँल, कुमार रेग्मी, मनोजराज शर्मा, उच्च अदालतका मुख्य न्यायाधीशद्वय प्रकाश ढुंगाना र सुक्ष्मलता माथेमालाई सर्वोच्च अदालतको न्यायाधीशमा सिफारिस गरेको थियो ।