विप्लवका कार्यकर्ता विष्णु परियार धरौटीमा रिहा

                                                                          नेत्रविक्रम चन्द विप्लव 

बैशाख ११, पर्वत । नेत्र विक्रम चन्द (विप्लव) नेतृत्वको नेपाल कम्युनिष्ट पार्टीको भातृसङ्गठन दलितमुक्ति मोर्चा पर्वतका जिल्ला संयोजक धरौटीमा रिहा भएका छन् । 

null

पर्वतको कुश्मा नगरपालिका–८ घर भएका विष्णु परियारलाई कुश्मा नगरपालिका–१२ ठूली पोखरीबाट गत चैत १७ गते पक्राउ गरी अनुसन्धानका लागि थुनामा राखिएको थियो । 

थुनामा रहेका ३५ वर्षीय परियारलाई बुधबार पर्वत जिल्ला अदालतले २५ हजार धरौटीमा रिहा गर्ने आदेश दिएको हो । 

जिल्ला अदालत पर्वतका न्यायधीश सूर्यबहादुर थापाको इजालसले उनलाई आज धरौटीमा रिहा गर्ने आदेश दिएको हो ।