‘निर्धारित मितिमै धरहरा निर्माण सम्पन्न गर्छौं’
मकालु खबर
काठमाडौं, १२ बैशाख । विनासकारी भूकम्प, धरहरा पुनः निर्माण अभियान र धरहरा सम्बत बिषयक जानकारी मुलक कार्यक्रम सम्पन्न भएको छ ।
बिहीवार रिपोर्टर्स क्लब नेपालमा धरहरा पुनः निर्माणको कार्य प्रगति तथा धरहरा सम्बत ००५ को बारेमा जानकारी गराउन आयोजित पत्रकार सम्मेलनमा बोल्दै साहित्यकार तथा ‘म बनाउँछु मेरो धरहरा’ का अभियन्ता ध्रुब गजुरेलले धरहरा पुनः निर्माणको लागि भएका प्रयासहरुको बारेमा प्रकाश पारेका छन ।
null
आफुले साहित्य लेखनको माध्ययमबाट धरहरा निर्माणको लागि करोडौ रकम संकलन गरि राष्ट्रिय पुनःनिर्माण प्राधिकरणको माध्ययमबाट सरकारलाई बुझाईसकेको पनि उनले जानकारी गराए ।
संसरमा ९ रेक्टर स्केलभन्दा माथिका धेरै पराकम्पबाट नागरिकले ठूलो जनधनको क्षति व्यहोरिसकेको जानकारी गराउँदै उनले नेपालले पनि ७ रेक्टर स्केलका पराकम्पहरुले ठुलै क्षति गराएपनि इतिहासले आफूहरुलाई पाठ पनि सिकाएको उनको भनाई रहेकाे छ ।
धरहरा निर्माणकै लागि आफुहरुले ‘हनुमानको नेपाल यात्रा’ र धरहरा बनाउने देउसी कार्यक्रमको भिडियोबाट पनि केही रकम संकलन गरेको उनको भनाई थियो । २०७२ सालमा देशले थुप्रै संघर्ष गरेका कारण पनि त्यस वर्षदेखि धरहरा सम्वतको सुरुवात भएको उनले जनाए । संविधान जारी हुँदा भोगेको संकट, भारतीय अघोषित नाकाबन्दी, तराई आन्दोलन र महाभूकम्पको पीडाले धरहरा सम्बतको शुरुवात भएको उनको भनाई थियो ।
त्यस्तै, कार्यक्रममा बोल्दै सत्तारुढ दल नेकपाका नेता एवम् प्रतिनिधिसभा सदस्य रामवीर मानन्धरले विनाशनै विकासको जननी भएका कारण अब बन्ने धरहरा नमुनाकै रुपमा निर्माण गरिनुपर्ने धारणा राखेका छन ।
देशमा निर्माणाधिन आयोजनाहरुको निर्माण कार्यमा ढिला सुस्ती देखिँदै आएपनि धरहरा निर्माणको लक्ष्य सरकारले समयमै सक्नुपर्ने उनको धारणा छ ।विनाशले ल्याएको विकासमा आफुहरु सबैले सहयोग गर्नुपर्ने उनको धारणा थियो । उनले भने,‘ईच्छाशक्ति भए ध्रबजीलेजस्तै करोडौ रकम उठाउन सफल हुन सकिनेछ ।’साहित्य र लगनशीलताबाट करोडाैँ रकम सहयोग उठाउनु कुनै चानचुने कुरा नभएको उनले स्पष्ट पारे ।
चीनले १९ दिनमा ६४ तले भवन निर्माण सम्पन्न गरेर देखाएको सन्दर्भ निकाल्दै आफुहरुलेपनि चीनको विकासबाट पाठ सिक्न आवश्यक रहेको सांसद मानन्धरको भनाई छ ।
त्यस्तै कार्यक्रममा बोल्दै डा. नारायणहरि गजुरेलले २०७२ सालको बिनासकारी भूकम्पको समयमा नेपालीहरु पीडामा रहेको बेला ध्रुब गजुरेलले शोकलाई शक्तिमा बदल्ने प्रणस्वरुप धरहरा निर्माणको अभियानमा लाग्नुले आज धरहरा निर्माण कार्य अघि बढेको स्पष्ट पारेका छन् ।
नयाँ सम्वतकाे घोषणा र साहित्यको माध्ययमबाट धरहरा सम्बतलाई निरन्तरता दिईराख्न आवश्यक रहेको पनि उनले जानकारी गराए । साहस बोकेर सम्पदाको निर्माणमा लागेको भन्दै उनले आज सार्वजनिक गरिएको ‘धरहरा सम्बत भित्ते पात्रो’ ले ०७२ सालमा घटेका घट्नाहरुको बारेमा जानकारी दिन खोजेको स्पष्ट पारे ।
त्यस्तै कार्यक्रममा बोल्दै धरहरा निर्माण कार्यमा लागेका रमन कन्ट्रक्सनका प्रोप्राईटर रमन महतोले निर्माणाधिन धरहराको कार्य प्रगति र आगामी ओजनाको बारेमा जानकारी गराएका छन ।
आफु सरकारको ‘मेरो धरहरा, म बनाउँछु’ भन्ने अभियानमा लागेको बताउदै उनले सरकारसंगको आधिकारिक सम्झौतापश्चात् धरहरा निर्माण कार्यको प्रगति रहेको विश्वास दिलाए ।
करिब ४२ रोपनी क्षेत्रफलमा फैलिएको योजनाअनुरुप अबको दुई तीन महिनाभित्र हाल रहँदै आएको गौशारा हुलाकको कार्यालयपनि स्थानान्तरण भईसक्ने भएका कारण आफुहरुलाई थप मार्ग प्रशस्त हुने उनको भनाई छ ।
प्रस्तावित २२ तले भवनको फाउन्डेसनको कार्य सम्पन्न भईसकेको पनि उनले जानकारी गराए । अबको धरहरा जनसंख्याको बृद्धिलाई मध्येनजर गरेर निर्माण गरिने भएका कारणपनि यसमा अत्याधुनिक सुविधामा जोड दिईने उनको भनाई छ ।
कुल तीन अर्ब ४५ करोडको लागतमा निर्माण हुने आयोजनालाई अबको दुई वर्षमा सम्पन्न गरिसक्ने आफ्नो लक्ष्य रहेको उनले जानकारी गराए । करिव दुई हजार वर्षसम्म टिक्न सक्ने उक्त टावरले ९ रेक्टर सम्मको भुकम्पको कम्पन सहन सक्ने उनको दाबी रहेको छ ।
त्यस्तै कार्यक्रममा बोल्दै कालिकाशरण माबिका प्राध्यानाध्यापक गोपालप्रसाद गजुरेलले कृतिको माध्ययमले नेपालका सम्पदाको पुनः सिर्जनामा सबैको सहयोग पाएकोमा आफुलाई खुशि लागेको धारणा राखे ।
देशले दुःख र पीडा बोकिरहेको समयमा यस्तो सोच र साहसको कदर सबै नेपालीमा रहे विकासको कार्यमा नयाँ आयाम थपिने उनको भनाई छ । नेपालको ईतिहास बोकेको धरहरा सबैको साझा सम्पत्ति रहेको बताउदै उनले पहिला ९ तले बन्ने भनेको धरहरा अहिले आएर २२ तले बनाउने अभियानमा पनि आफुहरुको ठुलो प्रयास रहेको उनको भनाई छ ।
मकालु खबर
