प्रदेश–१ को नाम र राजधानी प्रस्ताव आइतबार, छलफल जारी

बैशाख १९, विराटनगर । प्रदेश–१ को नाम र राजधानीका लागि प्रस्ताव गर्ने समय थप गरिएको छ । 

प्रदेश सभाको अघिल्लो बैठकले १९ गतेसम्मको प्रस्ताव दर्ता गराउन समय तोकेको थियो तर हालसम्म पनि दर्ता हुन नसकेपछि प्रदेशको नाम र राजधानीका लागि प्रस्ताव गर्ने समय ३ दिन थप गरिएको हो । 

null

प्रतिपक्ष र सत्तापक्षको सहमतिमा २२ गते पुनः यसै विषयमा छलफल हुने जानकारी दिइएको छ । संसद सचिवालयले आइतबार दिउँसो १ बजेका लागि बैठक बोलाइएको बिहीबार सूचना प्रकाशित गरेको छ । 

हाल प्रदेशको नाम र राजधानीको विषयलाई टुङ्गो लगाउन सत्तारुढ दल नेकपाको प्रदेश कमिटि र केन्द्रीयस्तरका नेताहरुबीच छलफल भइरहेको छ । 

छलफलमा कोशी तथा सगरमाथा अञ्चलका सांसद तथा नेतासंग प्रदेश इन्चार्ज भीम आचार्य, सह–इन्चार्ज सावित्री काफ्ले, मुख्यमन्त्री शेरधन राई लगायत सहभागी छन् ।