प्रतिनिधि सभा बैठक सुरु, पेश हुँदैछन् यी १२ विधेयक–प्रतिवेदन (LIVE)

जेठ ५, काठमाडौं । प्रतिनिधि सभाको सोमबारको बैठक सुरु भएको छ । 

११ बजेदेखि सुरु भएको बैठकमा अर्थ समितिका सभापति कृष्ण प्रसाद दाहालले ‘अर्थ समितिद्वारा २०७६ वशौख महिनामा आयोजित आ.व. २०७६/७७ को पूर्व बजेट छलफल कार्यक्रम सम्बन्धी प्रतिवेदन, २०७६’ पेश गर्दैछन् । 

null

यस्तै कृषि, सहकारी तथा प्राकृतिक स्रोत समितिका सभापति श्री पूर्ण कुमारी सुवेदीले ‘कृषि, सहकारी तथा प्राकृतिक स्रोतसमितिको वार्षिक प्रतिवेदन २०७५/०७६’ पेश गर्ने कार्यक्रम छ । 

त्यसैगरी बैठकमा प्रधानमन्त्री केपी शर्मा ओलीले ‘महालेखा परीक्षककोछपन्नौं वार्षिक प्रतिवदेन, २०७५’, ‘नेपाल सरकारको आर्थिक वर्ष २०७४/०७५ कोसुशासन प्रतिवदेन’ र ‘राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धि सहितको आर्थिक वर्ष २०७४/०७५ को नेपाल सरकारको वार्षिक प्रतिवेदन’ पेश गर्नेछन् । 

‘राष्ट्रिय प्राथमिकता प्राप्त आयोजनाको द्रुततर निर्माण तथा विकास सम्बन्धी विधेयक, २०७५’ लाई प्रस्तुत गर्न अनुमति माग्ने प्रस्तावमाथि मिनेन्द्र प्रसाद रिजाल र प्रेम सुवालले प्रस्तुत गरेको विरोधको सूचनाहरुलाई निर्णयार्थ प्रस्तुत गरेपछि प्रधानमन्त्रीकै तर्फबाट सो विधेयक प्रस्तुत हुनेछ । 

आजको बैठकमा ‘राजश्व चुहावट (अनुसन्धान तथा नियन्त्रण) (पहिलो संशोधन) विधेयक पनि प्रधानमन्त्री ओलीको तर्फबाट पेश हुनेछ । 

बैठकमा गृह मन्त्री रामबहादुर थापाले “प्रहरी समायोजन विधेयक, २०७५” लाई प्रस्तुत गर्न अनुमति माग्ने प्रस्ताव पेश गर्ने र “प्रहरी समायोजन विधेयक, २०७५” पेश गर्ने कार्यक्रम छ । 

यस्तै उद्योग, वाणिज्य तथा आपूर्ति मन्त्री मातृकाप्रसाद यादवले “औद्योगिक व्यवसाय विकास प्रतिष्ठान (पहिलो संशोधन) विधेयक,” वन तथा वातावरण मन्त्री शक्तिबहादुर बस्नेतले वन विधेयक, र “वातावरण संरक्षण विधेयक,” प्रस्तुत गर्नेछन् । भने भूमि व्यवस्था, सहकारी तथा गरिबी निवारण मन्त्री पद्मा कुमारी अर्यालले “भूमि सम्बन्धी (आठौं संशोधन) विधेयक, २०७५” प्रस्तुत गर्नेछिन् । 

“वातावरण संरक्षण विधेयक, २०७५” लाई प्रस्तुत गर्न अनुमति माग्ने प्रस्तावमाथि प्रेम सुवालले प्रस्तुत गरेको विरोधको सूचनाहरुलाई पनि निर्णयार्थ प्रस्तुत गरिने संघीय संसदको महासचिव मनोहरप्रसाद भट्टराईले जानकारी दिए ।