वडा कपको उपाधी स्वारा क्लबलाई 

असार १०, धरान ।  धरान २० बिष्णुपादुका खेलकुद बिकास समितीको आयोजनामा सोमबार सम्पन्न प्रथम वडा अध्यक्ष कपमा स्वारा फुटबल क्लबले बिजयी हात पारेको छ । 

गत असार ३ गते देखी सुरु भई ९ गते सम्म पोखरी फुटवल खेल मैदान धरान २० बिष्णुपादुकामा भएको खेलमा भालढुगा फुटबल क्लबलाई ० का बिरुद्ध ३ गोल अन्तरले हराउँदै उपाधि हात पारेको हो । 

null

उपाधि सगै स्वाराले नगद ४० हजारका साथै ट्रफी ,मेडल तथा प्रमाणपत्र हात पारेको छ ।  उपाधीका लागी भालुढुगा फुटवल क्लबसंग भिडन्त गरेको स्वाराले ३ गोल गर्दे उपाधी चुमेको हो भने खेलमा प्रकाश राई २ गोल तथा प्रवेश राई एक गोल गरेका थिए । 

त्यस्तै  उत्कृष्ट खेलाडी स्वारा फुटवल क्लबकै अर्पण राई, सर्वाधिक गोलकर्ता प्रकाश राई उत्कृष्ट गोल किपर पुरण मगर घोषित भएका थिए भने खेलमा उत्कृष्ट हुने खेलाडीहरुले जनही नगद २ हजारका साथै ट्रफी समेत हात पारेका छन । 

सोही खेलमा दोश्रो हुने भालढुगा फुटवल क्लबले नगद २० हजार, ट्रफी तथा मेडलमा चित्त बुझाएको छ । 

१२ वटा टिमको सहभागीतमा समपन्न खेलको समापन भने धरान उपमहानगरपालिकाकी कार्यबाहक मेयर मञ्जु भण्डारीले गरेकी थिइन् भने बिष्णुपादुका खेलकुद बिकास समितिका अध्यक्ष चन बहादुर तामाङको अध्यक्षतामा सम्पन्न भएको स्थानीय तथा युवा समाजसेवी बिजय तामाङले जानकारी दिए ।